Wednesday, October 1, 2008

Posts of Blog rachanakar

Posts of Blog rachanakar

krishn kumar yadav ka aalekh : samagr vishvadhara men vyapt hain mahatma gandhi

Posted: 01 Oct 2008 04:04 PM PDT

clip_image002

samagr vishvadhara men vyapt hain mahatma gandhi

krishn kumar yadava

Vaaho_001 vishv patal par mahatma gandhi sirf ek nam nahin apitu shanti aur ahinsa ka pratik hai. mahatma gandhi ke poorv bhi shanti aur ahinsa kee avadharana falit thi, parantu unhonne jis prakar satyagrah evan shanti v ahinsa ke raston par chalate huye angrejon ko bharat chhodane par majaboor kar diya, usaka koee doosara udaharan vishv itihas men dekhane ko nahin milata. tabhi to prakhyat vaigyanik aainstin ne kaha tha ki -''hajar sal bad aane vali naslen is bat par mushkil se vishvas karengi ki had-mans se bana aisa koee insan dharati par kabhi aaya tha.'' sanyukt ra'tr sangh ne varsh 2007 se gandhi jayanti ko 'vishv ahinsa divas' ke roop men manaye jane kee ghoshana karake shanti v ahinsa ke pujari mahatma gandhi ke vicharon kee prasangikata ko ek bar punah siddh kar diya hai.

2 aktoobar 1869 ko gujarat ke porabandar men janme mohanadas karamachand gandhi ne 1891 men inglainnd se bairistari pas kee aur pahale rajakot v fir bambaee men vakalat karane lage. 1893 men abdulla seth namak ek vyapari ke mukadame men ve dakshin afrika gaye aur vahan pahali bar unhen angrejon kee bharatiyon v afrikiyon ke prati rangabhed niti ka katu anubhav huaa. ek taraf unhen pratham shreni ka tikat hone ke bavajood relave ke dibbe se bahar nikal diya gaya to doosari taraf bharatiy hone ke karan tin paund kee laisens fis dene ko kaha gaya. yahi nahin unakee vesh-bhoosha ka bhi majak udaya gaya. aise men gandhi ji ne is rangabhed niti ka virodh kiya aur 1903 men 'indiyan opiniyan' akhabar kee shuruaat kee. 11 sitambar 1906 ko yuva bairistar gandhi ji ne bharatiy mool ke lagabhag 3000 logon ko dakshin afrika men johansabarg ke enpayar thiyetar men ikattha kiya aur eshiyatik adhyadesh ke khilaf, jisake tahat eshiyaee logon ko apani anguliyon ke nishan rajistar karane v apane sath sadaiv pahachan patr rakhana anivary bana diya gaya tha, ke virooddh yah prastav pas kiya ki- ''ve apana daman karane vale shvet aupaniveshik atyacharon ka pratirodh un par hath uthae bina karenge aur unake kisi bhi julm ke samane sir nahin jhukaenge.'' yahin par gandhi ji ne logon ko sambodhit karate huye pratham bar 'satyagrah' vicharadhara ka sootrapat kiya. virodh ke is nae hathiyar ko dakshin afrika kee angrej sarakar sahan n kar sakee aur gandhi ji sahit 27 vyaktiyon ko giraftar kar un par mukadama chalaya aur unhen desh chhodane ka aadesh diya. parantu gandhi ji ne us aadesh ka bhi ullanghan kiya aur unhen jel bhej diya gaya. is pratirodh ke chalate dakshin afrikee sarakar ne antatah jhukate huye 1914 men bharatiyon ke viruddh adhikatar vibhedakari kanoon khatm kar diya. yah gandhi ji kee ek badi jit thi aur isi ke sath 18 julaee 1914 ko inglaind hote huye ve bharat ravana ho gaye tatha 1915 men bharat pahunche. is bich 4 agast 1914 ko pratham vishv yuddh aarambh ho chuka tha aur gandhi ji british sarakar ke bina shart ke sahayogi roop men samane aaye. vastutah unhen laga ki angrej is vishv yuddh men uchch siddhanton kee raksharth lad rahe hain aur yuddh pashchat bharat kee svadhinata kee disha men kam karenge. angreji hukoomat ne isake badale men gandhi ji ko 'kesar-e-hind' upadhi se navaja. parantu gandhi ji kee soch antatah svapnabhang hi sabit huee aur asahayog aandolan ke dauran angreji nitiyon ke virodh men unhonne yah upadhi lauta di.

jab gandhi ji bharat laute to ve inglaid se bairistari pas kar laute aise aise dhani vyakti the, jisakee salana aay karib 5,000 paund thi. bharat kee dharati par pravesh karate hi unhen laga ki angrejon ke daman ka shikar bharatiyon ko kala kot pahane farrate se kort men angreji bolane vale mohanadas karamachand gandhi kee nahin varan ek aise vyakti kee jaroorat hai jo unhin ke pahanave men, unhin kee boli men, unhin ke bich rahakar, unake lie sangharsh kar sake. aise men gandhi ji ne apani pahali upasthiti aprail 1917 men champaran, bihar men nil ke kheton men kam karane vale kisanon hetu satyagrah karake darj karayi par akhil bharatiy star par unaka udbhav 1919 ke khilafat aandolan v fir asahayog aandolan se huaa. 1919 se aarambh is daur ko bharatiy rashtriy svadhinata aandolan men 'gandhi yug' ke nam se jana jata hai. gandhi ji ne n keval us samay chal rahi udar v ugr vicharadharaon ke uttam bhagon ka samanvay kiya balki donon ko ek adhik gatishil aur vyavaharik mod diya. 5 faravari 1922 ko chaurichaura kand ke bad bich men hi asahayog aandolan vapas lekar gandhi ji ne yah jata diya ki ve hinsa kee bajay ahinsak tarikon se bharat kee aajadi chahate hain. asahayog aandolan se jahan janamanas men angreji hukoomat ka khauf khatm ho gaya vahin janasamooh gandhi ji ke pichhe umad pada. isake bad to silasila chal nikal pada, aage-aage gandhi ji aur unake pichhe poora karavan. jati-dharm-bhasha-kshetr se pare is karavan men purush v mahilayen ek svar se judate gaye. 1920-22 ke asahayog aandolan, 1930-34 ke savinay avagya aandolan, 1940-41 ke vyaktigat savinay avagya aandolan aur 1942 ke bharat chhodo aandolan dvara gandhi ji ne angreji hukoomat ko jata diya ki bharat kee svatantrata nyayapoorn hai aur bharat men angreji rajy kee samapti aavashyak hai. 1942 ke bharat chhodo aandolan ne to angreji hukoomat kee choolen hila din. us dauran british pradhanamantree vinstan charchil se varta pashchat samrat jarj shashtham ne apani dayari men darj kiya tha ki-'' vinstan charchil ne mujhe yah kahakar aashcharyachakit kar diya hai ki unake sabhi sahayogi aur sansad ke tinon dal yuddh ke pashchat bharat ko bharatiyon ke hathon men chhodane ko udyat hain. krips, samachar patr aur amarikee lokamat- sabhi ne unake man men yah bhavana bhar di hai ki hamara bharat par rajy karana galat hai aur sadaiv se bharat ke lie bhi galat raha hai.'' is prakar 15 agast 1947 ko aajadi prapt kar gandhi ji ne samooche vishv ko dikha diya ki hinsa jo sabhy samaj ke astitv ko n't karane ka khatara utpann karati hai, ka vikalp dhoondhane ke lie svayan kee padatal karane ka bhi ek prayas hona chahie.

gandhi ji saty, ahinsa, svadeshi, svarajy v rachanatmak karyakramon ke kayal the. in sabhi siddhanton ko unhonne n sirf vaicharik dharatal par utara balki unamen antarsambandh bhi sthapit kiya. gandhi ji ko 'mahatma' kee upadhi se sarvapratham vibhooshit karane vale ravindr nath taigor ne kaha tha ki- ''gandhi ji ek rajanitigya, sangathanakarta, janamanas ke neta aur naitik sudharak ke roop men mahan hain, parantu vah manu'y ke roop men usase bhi adhik mahan hain. yadyapi vah asadhy roop se aadarshavadi the aur apane nishchit mapadandon dvara pratyek kary ko mapate the, fir bhi vah manav premi hain n ki khokhale vicharon ke premi.'' gandhi ji saty ke bahut bade praneta the aur isake liye ahinsa ke tarikon ke pakshapati the. satyagrah unake lie matr niti nahin, siddhant tha. vastutah satyagrah ke madhyam se gandhiji ne mahatma buddh, mahavir v tamam mahapurooshon dvara pratipadit ahinsa ke siddhant ko samajik v rashtriy shakti men tabdil kar diya. pashchaty vicharak thoro kee vyaktigat savinay avagya kee avadharana ko samajik shakti men badalakar aisa bemisal janajagaran paida kiya jo dirghakal tak avashy chalata hai, par asafal nahin hota. svayan gandhi ji ka manana tha ki- ''satyagrah ek aisa aadhyatmik siddhant hai jo manav matr ke prem par aadharit hai. isamen virodhiyon ke prati ghrina kee bhavana nahin hai.'' ahinsa gandhi ji ka pramukh satyagrahi hathiyar tha. gandhi ji ke liye ahinsa, hinsa ka nishedh matr nahin thi balki ek jivan paddhati thi. ve aksar kaha karate the ki aaj kee duniya men jitane log jivit hain, ve batate hain ki duniya ka aadhar hathiyar bal nahin hai. isaka sabase bada praman to yahi hai ki duniya itane hangamon ke bad bhi tikee huee hai. gandhi ji kee ahinsa kayarata ka pratik nahin balki antashchetana v aatma men vishvas karane vali virata ka parichayak hai. unhonne ise vyakhyayit karate huye likha ki -''yadyapi ahinsa ka arth kriyatmak roop se janaboojhakar k't uthana hai, tathapi yah siddhant durachariyon ke samane hathiyar dalane ka samarthan nahin karata. isake viparit yah durachari ka poorn aatmabal se samana karane kee prerana deta hai. is siddhant ko manane vala vyakti apani ijjat, dharm aur aatma kee raksha ke lie ek anyayapoorn samrajy sahit samast shaktiyon ko bhi chunauti de sakata hai aur apane parakram dvara usake patan ke bij bhi bo sakata hai.'' batate hain ki jab itali ke tanashah musolini ke aagrah par gandhi ji usase milane gaye, to kaeeyon ne unhen samajhaya ki ek ahinsak vyakti ka hinsak vyakti se milana uchit nahin. par gandhi ji ne javab diya ki hinsak vyakti se hinsa jyada khataranak hai aur hamara uddeshy saty v ahinsa ke madhyam se ahinsa ko khatm karana hai. gandhi ji tin logon ke sath musolini se milane gaye, jab ki vahan kursiyan sirf do thin. jab musolini ne gandhi ji se baithane ka aagrah kiya to gandhi ji ne apane sath aaye tinon logon ko kursi kee taraf ishara karate huye baithane ko kaha. musolini ka sochana tha ki kursi par sirf gandhi ji aur vo baithega, par gandhi ji apane sath ke tin any mehamanon kee khatir kursi par baithane ko raji nahin huye aur antatah musolini ko tin any kursiyan mangavani padi. vakaee yah rochak ghatanakram duniya ke sabase bade tanashah aur ek ahinsak satyagrahi ke bich ghata tha, jisane tanashah ko ek satyagrahi kee bat manane par majaboor kar diya.

gandhi ji svadeshi ke prabal samarthak the. ve janate the ki asali bharat ganvon men basata hai, jisake aarthik svavalamban kee ridh kutir v laghu udyogon par tikee huyi hai. gandhi ji ka charakha katana pratikatmak roop men svadeshi v svavalamban ka hi pratik tha. svadeshi ko badhava dene ke lie hi ve videshi vastuon ke bahishkar ka aahvan karate the. gandhi ji sirf rajanaitik vyakti nahin balki ek rachanatmak samaj sudharak bhi the. asprishyata, nari sudhar, hindoo-muslim ekata ityadi ke lie unhonne bahut kary kiye. asprishyata ko manavata par kalank batate huye unhonne isake unmoolan par jor diya v tadnusar achhooton ko sammanajanak 'harijan' nam dene, harijan sevak sangh kee sthapana, vibhinn patra-patrikaon men asprishyata ke viruddh likhana evan deshavyapi bhramanon ke dauran achhooton kee bastiyon men jakar unako gale lagakar asprishyata ko avaigyanik v amanaviy siddh karane jaise apratim kadam uthaye. gandhi ji ke man men nari ke prati badi shraddha thi. ve nari ko parda-pratha, bal-vivah v bahu-vivah jaisi manyataon se bahar nikalana chahate the aur unake aahvan par n sirf tamam nariyon ne parda-pratha se bahar nikal kar rashtriy svatantrata aandolan men bhag liya balki auron ko bhi jagrit kiya. nari utthan hetu gandhi ji ne shiksha, antarjatiy vivah v vidhava vivah par jor diya. unaka manana tha ki jab tak nari apane adhikaron hetu svayan aage nahin aayegi, tab tak usakee sthit men parivartan nahin hoga.

gandhi ji dharm v sampraday men bhed karate the. dharm unake liye karmakandon se nahin apitu manaviy v naitik gunon se nirmit tha. ve rajaniti v dharm ke sahaastitv ko svikar karate huye donon ke lie saty, ahinsa, tyag, vishvabandhutv, aatmavishvas v naitikata ko jaroori manate the. sadhan aur sadhy donon kee pavitrata par jor dete huye ve kisi bhi prakar ke chhal kapat ya anuchit tarikon ko pasand nahin karate the. angrejon kee 'foot dalo aur raj karo' niti ke viparit gandhi ji hindoo-muslim ekata ke prabal samarthak the. 1919 men khilafat aandolan ke dauran unhonne ise hinduon v musalamanon ke madhy ekata sthapit karane ka aisa suavasar bataya jo ki aage sau varshon tak nahin milega. hindoo-muslim ekata ke prati gandhi ji ka aagrah isi se samajha ja sakata hai ki jab 15 agast 1947 ko sara desh aajadi ke jashn men dooba tha to gandhi ji sampradayik dangon ko khatm karane ke lie noaakhali men pad yatra kar rahe the. vastutah gandhi ji ke lie svatantrata ka svaroop sirf rajanaitik nahin tha, apitu yah logon kee samajik, aarthik v aatmik unnati bhi thi, jise ve 'ram-rajy' kaha karate the.

aaj gandhi ji sirf bharat kee bhoomi tak hi simit nahin balki samagr vishv-dhara men vyapt hain. unake dikhaye gaye raste par chalakar n jane kitane ra'tron ne apani svadhinata payi hai. yah anayas hi nahin hai ki gandhi ji ko panch bar 1937, 1938, 1939, 1947 v 1948 men nobel shanti puraskar ke liye namit kiya gaya. yah ek alag bahas ka vishay hai ki kin karanon se unhen nobel puraskar nahin diya gaya par kalantar men gandhi ji ke siddhanton par chalakar unhen apana preranasrot manane vale kaee logon ko nobel shanti puraskar se sammanit kiya gaya. 1989 men nobel shanti samman ke lie dalaee lama ke nam kee ghoshana karate huye nobel kameti ke sadasyon ne gandhi ji ko nobel samman nahin dene par afasos jataya aur kameti ke adhyaksh ne kaha ki dalaee lama ko yah samman diya jana gandhi ji kee smriti ko shraddhanjali dene ka prayas hai. isi prakar 1984 v 1993 men kramashah desamand tootoo v nelsan mandela ko nobel shanti puraskar se sammanit kiya gaya, jinhonne gandhi ji ko preranasrot manate huye dakshin afrika men varnnabhed v rangabhed kee khilafat kee thi.

aaj gandhi ji ke vichar poore vishv men sarvagrahy hain. kabhi aarnald tayanabi ne kaha tha - ''main jis pidhi men paida huaa, vah pidhi pashchim men keval hitalar athava stalin kee hi pidhi nahin thi apitu bharat men gandhi ji kee bhi pidhi thi. ham nishchayapoorvak yah bhavishyavani kar sakate hain ki manav itihas par gandhi ji ka prabhav hitalar aur stalin ke prabhav se adhik hoga.'' aaj kee nayi pidhi gandhi ji ko ek nae roop men dekhana chahati hai. vah unhen ek sant ke roop men nahin varan vyavaharik aadarshavadi ke roop men prastut kar rahi hai. 'lage raho munna bhaee' jaisi filmon kee safalata kahin-n-kahin yuvaon ka unase lagav pratibimbit karati hai. aaj bhi duniya bhar ke sarvekshanon men gandhi ji ko shirsh puroosh ghoshit kiya jata hai. hal hi men hindoo-si0 ena0 ena0- aaee0 vi0 ena0 dvara 30 varsh se kam aayu ke bharatiy yuvaon ke bich karae gae ek sarvekshan men 76 pratishat logon ne gandhi ji ko apana sarvochch rol modal bataya. bi0bi0si0 dvara bharat kee svatantrata ke 60 varsh poore hone par kiye gaye ek sarvekshan ke mutabik aaj bhi pashchaty deshon men bharat kee ek pramukh pahachan gandhi ji hain. yahi nahin tamam pashchaty deshon men gandhivad par vistrit adhyayan ho rahe hain, to bharat men sundaralal bahuguna, megha patekar, aroona ray se lekar sandip pande tak tamam aise samajaseviyon kee pratishtha kayam hai, jinhonne gandhivadi moolyon dvara samajik aandolan khada karane kee koshishenn keen. aankade gavah hain ki vishv bhar men har sal gandhi ji v unake vicharon par aadharit lagabhag do hajar pustakon ka prakashan ho raha hai evam hal ke varshon men gandhi ji kee kritiyon ka adhikar hasil karane ke liye prakashakon v lekhakon ke aavedanon kee sankhya do guni ho gaee hai. vastutah aaj jaroorat gandhivad ko samajhane kee hai n ki use aadarsh manakar pitare men band kar dene kee. svayan gandhi ji ka manana tha ki aadarsh ek aisi sthiti hai jise kabhi bhi prapt nahin kiya ja sakata balki usake lie matr prayasarat raha ja sakata hai.

sanyukt ra'tr sangh ne gandhi jayanti ko 'vishv ahinsa divas' ke roop men manaye jane kee ghoshana karake shanti v ahinsa ke pujari mahatma gandhi ke vicharon kee prasangikata ko ek bar punah siddh kar diya hai. saty, prem v sahishnuta par aadharit gandhi ji ke satyagrah, ahinsa v rachanatmak karyakram ke achook margon par chalakar hi vishv men vyapt asamanata, shoshann, anyay, bhrashtachar, aatankavad, durachar, naksalavad, paryavaran asantulan v dinon-b-din badhate samajik aparadh ko niyantrit kiya ja sakata hai. gandhi ji dvara rachanatmak karyakram ke jarie vikalp ka nirman aaj poorvottar bharat v jammoo-kashmir jaise kshetron kee samasyaon, naksalavad v ghareloo aatankavad se nipatane men jitane karagar ho sakate hain utana bal-prayog nahin ho sakata. gandhi ji duniya ke ekamatr lokapriy vyakti the jinhonne sarvajanik roop se svayan ko lekar abhinav prayog kie aur aaj bhi sarvajanik jivan men naitikata, aarthik muddon par unakee naitik soch v dharm-sampraday par unake vichar prasangik hain. tabhi to bharat ke antim vayasaray lard mauntaben ne kaha tha - ''gandhi ji ka jivan khataron se bhari is duniya ko hamesha shanti aur ahinsa ke madhyam se apana bachav karane kee rah dikhata rahega.''

----

rachanakar parichaya

jivan-vritta

nam h krishn kumar yadava

janm h 10 agast 1977, tahabarapur, aajamagadh (u0 pra0)

shiksha h ema0 e0 (rajaniti shastra), ilahabad vi"vavidyalaya

vidha h kavita, kahani, lekh, laghukatha, vyangy evan bal kavitaen.

prakashan h desh kee pray adhikatar pratishthit patra-patrikaon men rachanaon ka niyamit prakashan. ek darjan se adhik stariy kavy sankalanon men rachanaon ka prakashan. intaranet par vibhinn veb patrikaon men rachanaon kee prastuti.

prasaran h aakashavani lakhanaoo se kavitaon ka prasaran.

kritiyan h abhilashaaa (kavy sangrah-2005), abhivyaktiyon ke bahane (nibandh sangrah-2006), indiya post- 150 gloriyas iyars (angeraji-2006), anubhootiyan aur vimarsh (nibandh sangrah-2007), kranti yagy h 1857-1947 kee gaaatha (2007). bal kavitaon v kahaniyon ka sankalan prakashan hetu pres men.

samman h vibhinn pratishthit sahityik sansthanon dvara sohanalal dvivedi samman, kavivar maithilisharan gupt samman, mahakavi sheksapiyar antarrashtriy samman, kavy gaurav, rashtrabhasha aachary, sahity manishi samman, sahityagaurav, kavy marmagya, abhivyakti samman, sahity seva samman, sahity shree, sahity vidyavachaspati, devabhoomi sahity ratn, braj gaurav, sarasvati putr aur bharati-ratn se alankrit. bal sahity men yogadan hetu bharatiy bal kalyan sansthan dvara sammanit.

vishesh h vyaktitv-krititv par ek pustak ''badhate charan shikhar kee or krishn kumar yadava'' shighr prakashy. suprasiddh bal sahityakar do0 rashtrabandhu dvara sampadit 'bal sahity samiksha'(sitambar 2007) evan ilahabad se prakashit 'guftagoo' (march 2008) dvara vyaktitv-krititv par visheshank prakashit.

abhiroochiyan h rachanatmak lekhan v adhyayan, chintan, net-sarfing, filetali, bhraman.

samprati@sampark h kri'n kumar yadav, bharatiy dak seva, varishth dak adhikshak, kanapur mandal, kanapur-208001 ee-melah kkyadav.y@rediffmail.com www.kkyadav.blogspot.com

No comments:

Post a Comment

Desitoonz