Tuesday, September 2, 2008

Posts of Blog rachanakar

Posts of Blog rachanakar

charli chaiplin kee aatmakatha (8)

Posted: 02 Sep 2008 09:23 AM PDT

meri aatm katha

image

charli chaiplina

 

charli chaiplin kee aatmakatha

-anuvad : sooraj prakasha

suraj prakash

(pichhale ank 7 se jari…)

 

teraha

us vakt stoodiyo men kaee vibhootiyan padharin. melaba, liopold godovaskee aur pederevaskee, nijinskee aur pavalova.

pederevaskee bahut hi mohak vyaktitv ke malik the lekin unamen thoda sa burjuaapan tha. ve garima par kuchh jyada hi zor dete the. apane lambe balon, niche kee taraf jhukati chali aayi moonchhon aur nichale honth ke niche dadhi ke balon ke nanhen se guchchhe kee vazah se ve khase aakarshak lagate the lekin mujhe aisa lagata mano unakee is chhavi se unake rahasyamay ghamand kee koee jhalak samane aati thi. jab ve piaano bazane baithate to ghar bhar kee battiyon kee raushani dhimi kar dete, mahaul gamagin aur rahasyamay ho jata. aur jab ve apane piaano stool par baithane ko hote to mujhe hamesha aisa lagata mano unake niche se kisi ko stool khinch lena chahie.

yuddh ke dauran unase meri mulakat nyoo yark men ritj hotal men huee thi. main unase bahut utsah se mila; poochha tha ki kya ve vahan koee karyakram dene ke silasile men aaye hue hain. aadambari gambhirata ke sath unhonne javab diya,"jab main desh kee seva men hota hoon to karyakram nahin diya karata."

pederevaskee polaind ke pradhanamantree bane, lekin us vakt mere khyalat klemensiyoo kee tarah hi the, jinhonne durbhagyapoorn varasa sandhi par ek sammelan ke dauran unase kaha tha, "kyoon kar ho gaya ki aapake jaisa kalakar itana niche gir gaya ki use rajanitigy ban jana pada?"

doosari taraf mahan piaano vadak liaapold godovaskee saral-nichchhal aur mazakiya kism ke aadami the. ve chhote kad ka, muskurate hue gol chehare vale shakhs the. los ejenls men karyakram dene ke bad unhonne vahin par ek makan kiraye par le liya tha, aur main aksar unase milane chala jata. ravivar ke din yah mera saubhagy hota ki main unhen riyaz karate sun sakata tha aur unake behad chhote hathon men chhupe asadharan jadoo aur takanik ke darshan kar pata tha.

nijinskee bhi stoodiyo men aaya karate. unake sath unake roosi baile ke sadasy the. ve gambhir kism ke shakhs the; aakarshak, sundar chehara, unake galon kee haddiyan oopar kee taraf uthi huee thin aur aankhen men udasi tari rahati. unakee dhab se lagata, sadharan vas‍tron men koee bhikshu chala aa raha hai. ham d kyor kee shooting kar rahe the. ve kaimare ke pichhe baith gaye aur mujhe kam karate hue dekhane lage. main jo drishy shoot kar raha tha, vah mere hisab se mazakiya tha lekin banda muskura ke n diya. halanki aasapas jut aaye log hans rahe the lekin nijinskee udas, aur udas hote chale gaye. jab ve jane lage to mere pas aaye, hath milaya aur apani khokhali aavaz men bole ki main bata nahin sakata, aapaka kam dekh kar mujhe kitana aanand mila hai. unhonne poochha ki kya main yahan fir aa sakata hoon?

"beshak," kaha mainne. ve do aur din mitti ke madho bane mujhe kam karate hue dekhate rahe. aakhiri din mainne kaimaramain se kaha ki vah kaimare men rol n dale. main janata tha ki nijinskee kee manahoos maujoodagi mazakiya dikhane kee meri sari koshishon par pani fer degi. isake bavajood, ve har din kee samapti par mujhe badhaee dete, `aapakee komedi, aap sachamuch nartak hain.' kaha unhonne.

mainne ab tak roosi baile nahin dekha tha, ya yoon kahoon ki ab tak koee baile hi nahin dekha tha. lekin jab saptah khatm huaa to mujhe maitini sho dekhane ke lie aamantrit kiya gaya.

thiyetar men mera svagat diyaghilev ne kiya. ve behad oorjavan aur utsah se bhare hue shakhs the. unhonne is bat ke lie kshama mangi ki us vakt unaka koee aisa karyakram nahin chal raha hai jo unakee nigah men main bahut jyada pasand kar sakoon. unhonne afasos vyakt kiya ki is samay la' apres-midi-da' dan fauna' nahin chal raha hai. unake khyal se main ye vala karyakram jyada pasand karata. tab ve turant apane mainejar kee taraf mude, "nijinskee sahab ko batao ki ham charlota§ ke lie intaraval ke bad faune ka pradarshan karenge."

pahala baile shaharazade tha. meri pratikriya kamobesh nakaratmak thi. isamen bahut jyada ekting thi aur nrity namamatr ko bhi nahin tha. mere khyal se rimskee - korsakov ka sangit doharav liye hue tha. lekin isake bad pas de `dev prastut kiya gaya. isamen svayan nijinskee the. jis pal ve manch par avatarit hue jaise mujhe bijali ka karant lag gaya ho. mainne duniya men bahut kam jiniyas dekhe hain aur nijinskee unamen se ek the. unamen sammohit kar lene kee eeshvariy shakti thi. apane hav bhavon se ve hamare samane doosari hi duniya pesh kar rahe the. unakee har bhangima men jaise kavita kee lay thi. unakee ek ek mudra hamen vichitr kalpana lok men le jati thi.

unhonne diyaghilev se kah rakha tha ki intaraval men ve mujhe unake dresing room men liva layen. mere pas unakee tarif ke lie shabd nahin the.

unake dresing room men main chupachap baitha raha aur unhen faune ke lie mek-ap karate hue ajib-ajib chehare banate hue dekhata raha. ve apane galon par hare rang ke ghere bana rahe the. ve bich-bich men batachit ka sira jodane kee nakam koshish kar rahe the. ve meri filmon ke bare men idhar-udhar ke saval poochhate rahe. main sirf ek-ek shabd ke vakyon men javab de pa raha tha. jab intaraval kee samapti par ghanti baji to mainne salah di ki ab mujhe apani sit par laut jana chahie.

"n, n, abhi nahin," kaha unhonne.

tabhi daravaje par khat-khat huee. "mistar nijinskee, intaraval men bajane vale dhun poori ho chukee hai."

mere chehare par pareshani jhalakane lagi.

"thik hai, thik hai," javab diya unhonne, "abhi bahut samay hai."

mujhe jhataka laga aur main is bat ko kattaee samajh nahin paya ki ve aisa baratav kyon kar rahe hain, "kya aapako nahin lagata ki mujhe jana chahie?"

"nahin, nahin, unhen ek aur dhun bajane do."

antat: diyaghilev hadabadate hue dresing room men aaye aur chamakane lage," jaldi karo, jaldi karo, darshak halla kar rahe hain."

"intazar karane do unhen, isamen jyada hi maza hai," kaha nijinskee ne aur mujhase besir-pair ke aur saval poochhane shuroo kar diye. pareshani ke mare mera bura hal. main minaminaya, "mere khyal se mujhe apani sit par laut jana chahie."

aaj tak koee bhi kalakar la' apres-midi-da' un faune men nijinskee kee barabari nahin kar saka hai. jis rahasyamay srishti ka srijan ve karate the, apani rahasyamayi, aatmiy-si udasi ke zariye ve jis nissim vistar liye pyar kee anadekhi udas chhayaon kee sair karane darshak ko apane sath le jate the, us sabaka koee sani nahin tha. ve bina kisi sayas prayas ke kuchh hi bhav bhangimaon se sab kuchh kah dalate the.

chh: mahine bad nijinskee pagal ho gaye the. is bat ke sanket to us din dopahar ke vakt dresing room men hi nazar aane lage the jab unhonne apane darshakon ko intazar karane ke lie chhod diya tha. main is bat ka gavah tha ki kis tarah se ek sanvedanashil mastishk yuddh kee vibhishika jhel rahe kroor vishv se vicharate hue ek doosari hi duniya men, apane sapanon kee duniya men chala gaya tha.

kisi bhi sadhana ya kala men utkrishtata ke shikhar par viral hi log pahunchate hain, aur pavalova un durlabh kalakaron men se ek thin jisane ise sach kar dikhaya tha. mujh par har bar usaka jaduee asar hota tha. halanki unakee kala utkrisht thi, fir bhi unamen ek stariy pilapan, udasi ka tatv rahata. gulab kee safed pankhudi kee tarah behad nazuk. jab ve nrity karati thin to unakee har lay-tal gurutvakarshan ka kendr ban jati. jis pal ve manch par avatarit hotin, ve jitani bhi khush ya aakarshak kyon n ho, mera man rone ka karata. ve sampoornnata kee trasadi ko sakar kar deti thin. aisa adbhut hota unaka nrity.

ve apane mitron ke lie pav thi. main unase us vakt mila tha jab ve yunivarsal stoodiyo men holivud men ek film bana rahi thin. ham achchhe dost ban gaye the. ise trasadi hi to kaha jayega ki purani sinema kee gati unakee nrity kee bhangimaon kee gitatmakata ko grahan karane men asafal rahi thi aur is vazah se unakee yah mahan kala duniya se hamesha ke lie vilupt ho gayi.

ek bar kee bat hai, roosi kaunsoolet ne unake samman men ek bhoj diya jisamen main bhi maujood tha. yah ek antarrashtriy star ka aayojan tha aur nishchay hi garima liye hue tha. dinar ke dauran kaee jam chhalakaye gaye aur bhashan vashan chale. kuchh fransisi men aur kuchh roosi men. mere khyal se sirf main hi akela angrez tha jise bulaya gaya tha. alabatta, isase pahale ki kuchh kahane ke lie meri bari aati, ek profesar ne pavalova kee kala par roosi bhasha men ek shanadar kasida padha. aise bhi pal aaye jab profesar kee aankhon men aansoo aa gaye. vah ro pada aur tab vah pavalova ke pas gaya aur unhen betahasha choomane laga. mujhe pata chal chuka tha ki us profesar ke bad kuchh karane kee meri koee bhi koshish bekar jayegi. isalie main utha aur bola ki choonki meri angreji madam pavalova kee kala kee mahanata ka bayan karane ke lie poori tarah se nakafi hogi, isalie main chini bhasha men boloonga. main chini bhasha men anap shanap bakata raha aur mainne bhi usi tarah ka saman bandh diya jis tarah ka profesar ne bandha tha. mainne apani bat ka samapan profesar se bhi jyada shiddat se pavalova ko choomane se kiya. mainne ek naipakin liya aur jab tak main unhen lagatar choomata raha, naipkin ko ham donon se sir ke aage thame raha. parti ka hans-hans ke bura hal ho gaya aur is tarah se mahaul kee ganbhirata tooti.

sarah barnahardt aorapiyam rangarang thiyetar men abhinay kiya karati thin. isamen koee shak nahin ki ve bahut boodhi thin aur unaka kairiyar dhalan par tha, fir bhi unake abhinay ka sachcha moolyankan karane ke lie mere pas shabd nahin hain. lekin jab dyoos los ejenls aayi to unakee dhalati umr aur nazadik aata unaka ant bhi unakee pratibha kee chamak ko fika nahin kar paye the. unake pichhe behatarin italavi kalakar mandali thi. jab ve manch par aayin - usase pahale ek sudarshan yuva abhineta aakar apani abhinay kshamata ke jalave dikha chuka tha. aur abhi bhi manch ke bichon bich jama huaa tha. main is bat par hairan hota raha ki kis tarah se dyoos us yuva abhineta ke shanadar abhinay ke bhi aage ja payin?

tabhi ekadam banyi taraf se dyoos ek meharab ke niche se hoti huee sahajata se manch par aayin. ve safed krisainthemam foolon kee tokari ke pichhe pal bhar ke lie thithakeen. ye fool bade se piaano par rakhe hue the. unhonne chupachap foolon ko taratib dena shuroo kar diya. poore thiyetar men fusafusahat kee aavazen aane lagin aur mera dhyan turant yuva kalakar se hat kar dyoos kee taraf chala gaya. n to ve yuva kalakar kee taraf dekh rahi thin aur n hi kisi any charitr kee taraf hi. ve chupachap foolon ko sajati rahin. bich bich men ve un foolon ko bhi laga rahi thin jo ve apane sath layi thin. jab unhonne yah kam khatm kar liya to ve tirachhe chalate hue manch se niche aayin aur fayar ples ke pas aa kar ek aaram kursi men baith gayin. unakee nigahen aag kee taraf thin. ek bar aur sirf ek bar unhonne yuva kalakar kee taraf dekha. us nigah men kya kuchh nahin tha? sari kee sari buddhimata aur manaviy karuna. isake bad ve sunati rahin aur apane hath garam karati rahin. behad khoobasoorat aur sanvedanashil hath.

yuva kalakar ke uttejak sanbhashan ke bad dyoos aag kee taraf dekhate hue shant svar men bolin. unakee sanvad adayagi men samany kritrimata nahin thi. unakee aavaz trasad bhavaveg kee aanch se aa rahi thi. unaka ek shabd bhi mere palle nahin pad raha tha lekin mainne mahasoos kiya ki main sakshee ban raha tha ab tak kee dekhi mahanatam abhinetree ke abhinay ka.

kaunstans kauliyar sar harabart biraboham tri kee pramukh abhinetree thin aur ve tringal fils kampani ke lie sar harabart biraboham ke sath ledi maikbeth kee bhoomika kar rahi thin. jab main chhota bachcha tha to mainne unhen hiz maijesti thiyetar kee gailari se kaee bar dekha tha aur d itaranal siti men aur olivar tvist men nainsi kee unakee yadagar bhoomikaon ka divana tha. isalie jab levi'j kaife men meri mej par ek not aaya ki mis kauliyar mujhase milana chahati hain aur main unakee mej par chala aaoon. mujhe aisa karane men apar khushi huee. us mulakat ke bad ham jivan bhar ke lie behatarin dost ban gaye. ve bahut dayamayi mahila thin jisamen ushma hi ushma bhari huee thi. unamen apar jijivisha thi. unhen logon ko aapas men milavana achchha lagata tha. unakee ichchha thi ki meri mulakat sar harabart se aur dagalas feyarabainks nam ke ek naujavan se ho. koliyar ka khyal tha ki ham tinon men bahut kuchh ek saman hai.

mera khyal hai, sar harabart angreji thiyetar ke din the aur abhinetaon men sabase jyada vinamr the. ve samane vale ke dimag par to asar chhodate the, usakee sanvedanaon ko bhi chhoote the. olivar tvist men unaka fagin hansi majak se bharapoor aur daravana ek sath tha. jara si koshish karake ve aisa tanav paida kar dete jise sahan karana lagabhag asanbhav ho jata. unhen bas, itana karana hota ki tanav paida karane ke lie jam chhalakane vale fork se mazak men hi kalapoorn paintarebaj ko chhed bhar dete. charitr ko le kar tri kee avadharana hamesha utkrisht hotin. bhondoo svengali isaka namoona tha. ve is vahiyat se lagane vale charitr men samane vale ko vishvas kara dete aur use n keval hasy se bhar dete balki kavitamay bhi bana dete. aalochakon ka manana tha ki tri ko vyavaharon ko parakhane kee adbhut samajh thi. yah sach hai lekin ve unhen asaradar dhang se istemal karana bhi janate the. jooliyas sijar men unhonne jo vyakhyaen keen, ve bauddhikatapoorn thin. antim sanskar ke drishy men unaka mark entoni bhid ko paramparagat josh se sanbodhit karane ke bajaye unake siron ke oopar se sanak aur bhitari tiraskar se bhara laparavahi se bat karata hai.

jab main chaudah baras ka tha to mainne tri ko unakee kaee mahan nirmitiyon kee prastuti men dekha tha. isalie jab kauntans ne jab sar harabart, usakee beti aairis aur mere lie ek chhote se dinar ka aayojan kiya to is vichar se hi main utsahit ho gaya tha. hamen elekjandriya hotal men tri ke kamare men milana tha. main jan boojh kar der kar raha tha aur yah ummid kar raha tha ki vahan par tanav kam karane ke lie kauntens hongi hi, lekin jab sar harabart ne apane kamare men meri agavani kee to ve vahan akele the. unake sath unake film nirdeshak jon emarasan hi the.

"aaha, aao, aao chaiplin," sar harabart ne kaha,"mainne kaunsatans se aapake bare men bahut kuchh suna hai."

emarasan se parichay karane ke bad unhonne bataya ki ve maikbaith ke kuchh drishyon par bat kar rahe the. jald hi emarasan vida ho gaye aur main achanak sharm ke mare pasina-pasina ho gaya.

"kshama karana, mainne aapako intazar karaya," sar harabart mere samane vali aaramakursi men pasarate hue bole, "ham chudail vale drishy ke lie ifekts ke bare men charcha kar rahe the."

"oh - h: h:." main hakalaya.

"mera khyal hai ki gubbaron ke oopar kee taraf ek rassi bandh di jaye aur us drishy is tarah se prabhavashali banega. kya khyal hai aapaka?"

"oh h: h: h: beshak shanadar!"

sar harabart ek pal ke lie ruke aur meri taraf dekhane lage.

"aap to vakaee safalata ke shikhar par viraje hue hain, nahin kya?"

"aisa to kuchh nahin hai," jaise main mafi mangate hue mimiyaya.

"lekin poori duniya men aapakee dhak jami huee hai. ingalaind men aur frans men sainik aapake bare men git tak gate hain."

"aisa hai kya?" mainne apani agyanata ka pradarshan karate hue kaha.

unhonne dobara meri taraf dekha - shak aur poorvagrah unake poore chehare par pasare hue the. tabhi ve uthe, kamare se bahar jate hue bole, "kaunsatans ko deri ho rahi hai. main fon karake poochhata hoon ki majara kya hai. is bich aap meri beti aairis se to zaroor hi milen."

mainne rahat kee sans li. isakee vazah yah thi ki mere dimag men to ek bachche kee smritiyan thi jisase main skool aur filmon ke bare men apane khud ke star par bat kar pata. tabhi ek lamba sa sigaret holdar liye ek tanvangi navayauvana ne kamare men pravesh kiya,"aap kaise hain mistar chaiplin? mera khyal hai main poori duniya men aisi akeli ladakee hoon jisane aapako parade par nahin dekha hai."

mainne khisen niporin aur apana sir hilaya.

aairish skaindineviyaee lagati thi. usake foole-foole lal rangat liye bal the, ubhari huee nak aur halkee nili aankhen. us vakt usakee umr attharah baras kee thi. vah behad aakarshak thi aur usamen svabhavik roop se angadaee leta abhijaty varg vala darja tha. pandrah baras kee umr men usakee kavitaon kee kitab chhap chukee thi.

"kaunsatens aapake bare men bahut kuchh batati rahati hain." kaha usane.

mainne ek bar fir khinsen niporin aur sir hilaya.

aakhirakar, sar harabart laute aur unhonne bataya ki choonki kaunsatains ko kostyoom fitings ke chakkar men der ho gayi hai isalie ve nahin aa payengi aur ki hamen unake bina hi khana khana hoga.

he bhagavan!! in ajanabiyon ke bich main rat kaise gujaroonga?

jalate hue is khyal ka bojh apane dimag par liye main unake sath chupachap kamare se nikala. ham chupachap lift men ghuse aur chupachap hi daining room men gaye aur vahan ja kar mez par is tarah se baith gaye mano kisi kee maiyyat se abhi-abhi laute hon.

bechare sar harabart aur aairish ne is bat kee bharapoor koshish kee ki batachit men jan aa jaye. bechari ne koshish karani hi chhod di aur aaram se baithakar daining room ka muaaija karane lagi. kash, khana hi paros diya jata. khate samay shayad mujhe is bhayavah tanav se mukti mil jati!! bap-beti thodi der bat karate rahe. fir unhonne sauth aof frans kee aur rom kee aur saljabarg kee bat kee - kya main vahan kabhi gaya hoon? kya mainne maiks renahaeet prodakshan kee koee prastuti dekhi hai?

mainne jaise mafi mangate hue sir hilaya.

tri ne ab mujhe oopar se niche tak dekha, "pata hai, aapako khoob ghoomana chahie."

mainne unhen bataya ki mere pas ghoomane ke lie vakt hi nahin bachata hai. tab mainne batachit ka sira pakada," dekhiye, sar harabart, meri safalata itani achanak rahi hai ki main safalata ke sath-sath chal pane men bhi vakt kee kami mahasoos kar raha hoon. lekin jab main chaudah baras ka bachcha tha to mainne aapako svengali ke roop men, fagin ke roop men, entoni ke roop men aur falastaf ke roop men dekha tha. kuchh natak to mainne kaee kaee bar dekhe the aur tab se aap mere lie aadarsh pratima rahe hain. main aapako stej se pare dekhane kee kalpana bhi nahin kar sakata tha. aap kee dant katha kee tarah the. aur aaj rat los enjels men aapake sath baithakar bhojan karana mujhe khushiyon se bhar raha hai."

tri abhibhoot ho gaye "vakaee!!" ve bar bar kahate rahe, "vakaee!!"

us rat ke bad se ham bahut achchhe dost ban gaye. ve aksar mujhe bulava bhejate, aur tab ham tinon, aairis, sar harabart aur main ikatthe baith kar khana khate. kaee bar kaunsatens bhi aa jati to ham viktar hyoogo ke restaran men chale jate aur kofi kee chuskiyan lete hue bhavapoorn chaimbar myoojik sunate.

mujhe kansatains se dagalas faiyarabainks ke aakarshan aur yogyata ke bare men bahut kuchh pata chala tha, n keval vyaktitv ke bare men balki dinar ke bad hone vale medhavi bhashan karta ke roop men bhi. un dinon main medhavi yuvakon, khas taur par dinar ke bad bhashan dene valon ko pasand nahin karata tha, alabatta, dinar ka intazam unhin ke ghar par tha.

dagalas aur mainne us rat ko ek bahana mara. jane se pahale mainne kansatens se yah bahana banaya ki main bimar hoon, lekin unhonne meri ek n suni. isalie mainne tay kiya ki main siradard ka natak karoonga aur jaldi nikal jaoonga. feyarabainks ne kaha ki ve bhi bahut narvas hain aur ki jis vakt daravaje kee ghanti baji to ve jaldi se talaghar men sarak liye. vahan par ek biliyard kee mez rakhi thi. unhonne pool khelana shuroo kar diya. us rat aajivan chalane vali mitrata kee shuruaat thi.

ye bina vazah hi nahin tha ki dagalas ne janata kee kalpana aur pyar par adhikar jamaya. unakee filmon kee aatma, unaka aashavad aur unake amogh arth amerikee ruchi ke bahut nikat padate the aur nishchit hi ye poori duniya kee ruchi ke bhi nikat padate the. unamen asadharan chumbakeey shakti aur aakarshan the aur unamen asali ladakapan vala utsah tha jise unhonne janata tak pahunchaya. jaise jaise main unhen antarangata se janane laga, mainne paya ki ve had darje ke eemanadar the kyonki unhonne is bat ko svikar kiya ki ve snob rahane men aanand anubhav karate hain aur ki safal aadamiyon men unak prati aakarshan hai.

halanki dagalas bahut adhik lokapriy the, ve khule dil se doosaron kee medha kee tarif kiya karate the lekin apani khud kee medha ke bare men vinamr rahate. ve aksar kahate ki mairi aur mujhamen jiniyas hai jabaki khud unamen mamooli si hi buddhi hai. halanki ye sach nahin tha. dagalas srijanashil the aur apane kam bade paimane par kiya karate the.

unhonne robin hud ke lie das ekad ka set banavaya tha. ye bahut bade bade kangooron aur band hone vale pulon se lais ek mahal jaisa tha. ab tak koee itana bada mahal astitv men bhi nahin raha hoga. bahut garv ke sath dagalas ne mujhe band hone vala vishal pul dikhaya. "adbhut," mainne kaha,"meri kisi komedi ke lie kitani shanadar shuruaat rahegi. band hone vala pul niche aata hai aur main billi bahar nikalata hoon aur doodh bhitar leta hoon."

unake bilkul hi alag-alag tarah ke dost the. inamen kauboy se le kar rajaon tak ka shumar hota. ve un sabamen achchhe achchhe gun talash hi lete. unaka dost charli maik, jo ek kauboy tha, laparavah, badabola kism ka shakhs, vah dagalas ka bahut manoranjan kiya karata. jis samay ham dinar kar rahe hote, charli daravaje men ja khada hota aur kahata, "aapakke pas to ye badhiya jagah hai dag," tab vah daining room men charon taraf nigah ferata, "bas, ek hi dikkat hai ki ye fayar ples se itani door hai ki aap yahan baitth kar siddhe fayar ples men thook nahin sakate." tab vah apane panjon ke bal uchak kar khada ho jata aur hamen batata ki usakee bivi us par kroorata ke aadhar par tallak ke lie kes kar rahi hai. main kahata hoon ki jajj mahashay, is aurat kee kani ungali men jitani kroorata bhari huee hai, utani kroorata to mere poore baddan men bhi nahin hai. aur kissi bhi mohatarama ne aaj tak mujh par itani bandooken nahin tani hain jitani iss sali ne tani hain. isane mujhe jan bachane ke lie hamare us ol ped ke charon taraf itane chakkar katavaye hain ki vo ped hi chhalani ho gaya hai aur ab usake aar pas dekh sakate hain." mujhe aisa lagata hai ki charli dagalas ke ghar par aane se pahale apani is masakhari ke lie abhyas karake aate honge.

dalagas ka ghar ek shooting loj raha tha. ye ek pahadi ke bichon bich bana huaa do manzila bangala tha. ye pahadi un dinon bevarali hils kahalati thi aur jhadiyon se bhari banjar pahadi thi. kharepan aur sejabrash kee jhadiyon se ek badaboo, khatti mahak aati rahati jisase gala shushk rahata aur nasika men khujali machi rahati.

un dinon bevarali hils ujad riyal estet vikas kee manind lagati. galiyan khoob thin aur ve kheton men ja kar gum ho jatin. safed golon vale laimp post soonasan galiyon kee shobha badhate. jyadatar glob gayab hi hote kyonki unhen sadak ke kinare rahane vale mauj manane valon ka nishana bana diya jata.

dagalas bevarali hils par rahane vale pahale filmi kalakar the. ve aksar mujhe saptahant men vahan rahane ke lie bulava lete. rat ko main apane bedaroom men se bhediyon ke chikhanen kee aavajen sunata. ve jhund ke jhund kachare ke tin par halla bolate. unakee chikhen daravani hotin jaise koee chhoti chhoti ghantiyan tunatuna raha ho.

unake pas hamesha hi do ya tin thalue tike rahate. tom gerahati, jo unakee patakathaen likha karata tha, karl, ek bhootapoorv olampik ethalit, aur do ek kauboy. tom, dagalas aur mujhamen tin tilangon vali yari thi.

ravivaron kee subah dagalas tattuon ka ek dasta taiyar karate aur ham sab al subah andhere men hi jag jate aur sooryoday dekhane ke lie pahadi kee taraf nikal padate. kauboy ghodon ka dana pani karate aur kaimp fayar jalate, kofi, hotakek aur shookari ke pet ka nashta taiyar karate. jis samay ham sooryoday hota huaa dekhate, dagalas lambi lambi dingen hankate aur main nind kee kami ke latife sunata aur ye tark deta ki sooryoday dekhane ka asali maza to kisi mahila ke sath hi hai. isake bavajood subah savere kee ye yatraen bahut romantik hotin. dagalas hi aise akele vyakti the jo mujhe ghode par savar karava paye, meri in shikayaton ke bavajood ki duniya bhar men is pashu ke prati kuchh jyada hi sanvedanashilata dikhayi gayi hai jabaki ye janavar kamina hai aur chidachida hai aur isaka dimag bhondoo ka hai.

ye us vakt kee bat hai jab ve apani pahali patni se alag hue the. sham ke vakt ve apane doston ko khane par bulava lete. in doston men mairi pikaford bhi hotin jin par ve un dinon buri tarah se aasakt the. ve donon hi is bare men dare hue kharagoshon kee tarah vyavahar karate. main unhen salah diya karata ki ve shadi vadi ke chakkar men n paden aur ek sath rahate rahen aur apane apane dayare se bahar nikalen. lekin ve meri parampara ke khilaf vali salah ko nahin man paye. mainne unakee shadi ke khilaf itane zoradar shabdon men kaha tha ki jab aakhir men unhonne sachamuch shadi kee to sab doston ko bulavaya tha, bas, main hi nahin bulaya gaya tha.

un dinon dagalas aur main aksar ghise pite darshan bagharane men lage rahate aur main jivan kee nashvarata ke apane tark par tika rahata. dagalas ye manate the ki hamari zindagiyan tay hain aur ki hamari niyati mahattvapoorn hai. jis vakt dagalas is rahasyamay uttejana men ghire hote to mujh par isaka viparit asar hota. mujhe garmiyon kee ek garm rat kee bat yad hai. ham donon ek badi-si pani kee tankee ke oopar chadh gaye aur vahan par baith kar bevarali ke jangali failav men baten karate rahe. tare rahasyamay roop se chamakeele the aur chandrama uddip‍t tha aur main kah raha tha ki jivan ka koee makasad nahin hai.

"dekho," dagalas josh se poori kayanat ko apane ishare kee jad men lete hue bole, "chandrama, aur vahan par taron ka jhuramut, tay hai ki is sare saundary ke pichhe koee n koee vazah to hogi hi. ye sab kisi n kisi niyati kee paripoornnata kee or ja rahi hongi. ye sab kisi n kisi behatari ke lie honge aur tum aur main isake hisse hi hain." tab achanak hi prerit ho kar ve meri taraf mude, "batao tumhen ye medha kis liye di gayi hai? moshan filmon ka ye aashcharyajanak madhyam jo poori duniya men lakhon karodon logon tak pahunchata hai!!"

"to ye luis bi mesar aur varnar bandhuon ko bhi kyon di gayi hai?" mainne kaha aur dagalas hans diye.

dagalas asadhy roop se romantik vyakti the. unake sath saptahant bitate samay kaee bar mujhe tin baje gahari nind se jaga diya jata aur main dhundh ke bich dekhata ki lon men havaeeyan aarkestra baj raha hai. mairi ko prem git sunaye ja rahe hain. ye bahut priy lagata lekin us vakt isakee bhavana men pravesh karana mushkil hota khas kar tab jab aap khud vyaktigat roop se usase jude hue n hon. lekin ladakapan kee ye harakaten unhen priy vyakti banatin.

dagalas sport bhi bahut pasand karate the. apani khuli kaidilaik kar kee pichhali sit par vulfahaund aur pulis kutte rakhate the. ve sachamuch is tarah kee chijen pasand karate the.

holivud tezi se lekhakon, abhinetaon aur buddhijiviyon kee makka madina banata ja raha tha. poori duniya se labdh pratishth lekhak vahan aate: sar gilbart parakar, viliyam je lok, raiks bich, josef harageshimar, somaraset mom, govaraniyar moris, ibanez, elinor glin, edith vharatan, kaithalin noris aur kaee any.

somaraset mom ne kabhi bhi holivud men kam nahin kiya lekin unakee kahaniyon kee bahut mang rahati. halanki ve sauth si aailaind men jane se pahale kaee hafte tak vahan rahe the. sauth si aailaind men hi unhonne apani yadagar kahaniyan likhin. ek bar dinar ke vakt unhonne dagalas aur mujhe saidi thompasan kahani sunayi thi. unaka kahana tha ki ye vastavik tathyon par aadharit hai. bad men is kahani ka ren ke nam se drama bhi bana tha. ren ko main hamesha ek aadarsh natak manata hoon. revarend devidasan aur unakee patni ko khoobasoorati se paribhashit kiya gaya hai. ve saidi thampasan se bhi adhik rochak ban pade hain. revarend devidasan kee bhoomika men tairi kitane shanadar lagate. unhonne is bhoomika ko vinamr, beraham, chapaloos aur aatankit karane vale tarike se nibhaya hota.

isi holivud parivesh men bana huaa tha holivud hotal. ye jagah behad ghatiya, betaratib aur bakhar jaisi thi. ye achanak hi bhaunchak dehati chhokari kee tarah pramukhata men aa gayi thi aur sona ugal rahi thi. yahan par kamare hamesha samany dar se jyada par milate. usaka karan sirf yahi tha ki los enjels se holivud ko jane vali sadak ekadam alanghy thi aur kalam ke ye dhani log stoodiyo ke aas pas rahana chahate. lekin vahan par har koee khoya huaa lagata mano sab ke sab galat pate par aa gaye hon.

vahan par elinor glin ne do kamaron par kabja jama rakha tha. unhonne ek kamare ko baithak kee shakl de rakhi thi. takiyon ko unhonne pestal ke se rang ke kapade se madh diya tha aur ye takiye bistar par faila diye the taki isase sofe ka ahasas ho. ve apane mehamanon kee aavabhagat yahin par karati thin.

main elinor se pahali bar tab mila tha jab unhonne das vyaktiyon ko dinar par bulaya tha. hamen daining room men khana khane jane se pahale unake kamaron men hi kokatel ke lie milana tha. main hi vahan sabase pahale pahuncha tha. "aah," apane hathon men mera chehara bharate hue aur janaboojh kar nazar bhar dekhate hue kaha unhonne,"main tumhen ji bhar kar nihar to loon. kitane asadharan. main to sochati thi ki tumhari aankhen bhoori hain lekin ye to ekadam nili hain."

halanki shuroo shuroo men ve ati utsahi lagin lekin main unaka kafi murid ho gaya.

elinor halanki angreji samaj men kafi pratishthit nam tha, fir bhi unhonne apane upanyas thri viks se edavardakalin samaj ko jhataka diya tha. usaka nayak pol, achchhe bhale ghar ka angrej hai jisaka rani se prem prasang chal raha hai. boodhe raja se shadi karane se pahale vah usake sath antim bar rangareliyan manata hai. balak kraun prins gupt roop se pol ka hi beta hai.

jab ham unake mehamanon ka intazar kar rahe the, elinor mujhe doosare kamare men le kar gayin jahan par divaron par pahale vishv yuddh ke yuva angrej adhikariyon kee tasviren frem men madhi huee lagi huee thin. sare tasviron par chalataoo nigah marate hue ve bolin,"ye sab ke sab mere pol hain."

ve tantr mantr men bahut vishvas karati thin. mujhe ek dopahar kee yad hai. mairi pikaford thakan aur nind n aane kee shikayat kar rahi thin. ham mairi ke hi bedaroom men the.

"mujhe uttar disha dikhao," elinor ne aadesh diya. tab unhonne bahut aahista se apani ungali mairi kee bhaunh par rakhi aur bar-bar kahane lagin,"ab vah gahari nind men hai." dagalas aur main aage sarak aaye aur mairi ko dekhane lage. usakee aankhen fadafada rahi thin. mairi ne bad men hamen bataya tha ki use ek ghante se bhi jyada tak nind men hone ka natak karana pada tha kyonki elinor kamare men hi maujood thin aur us par nigah rakhe hue thin.

elinor kee khyati sanasanikhej shakhsiyat ke roop men thin. lekin koee bhi usane adhik santulit nahin tha. filmon ke lie unakee vyapak sankalpanaen kishoriyon jaisi aur nausikhiyapan liye hue thin. mahilaen apani bhauhen apane-apane premi ke galon par ragad rahi hain aur chite kee khal ke kalinon par prem men vyakul ho rahi hain.

holivud ke lie unhonne jo tin filmen likhi thin, ve samayatit prakriti kee thin. pahali ka nam tha thri viks, doosari ka nam hiz aavar aur tisari ka nam tha har moment? har moment men bhayankar vivad ho gaya. kahani men dikhaya gaya tha ki ek pratishthit mahila, jisakee bhoomika gloriya svainasan ne nibhayi thi, kee shadi ek aise aadami se hone vali hai jise vah pyar nahin karati. unakee tainati ek ghane jangal men hai. ek din vah akeli hi ghudasavari ke lie nikal jati hai. choonki use vanaspatiyon men dilachaspi hai, vah apane ghode se utarati hai taki ek durlabh fool ka muaaina kar sake. jaise hi vah fool par jhukati hai, ek khataranak vaipar sanp aata hai aur usake dayen sine par dans deta hai. gloriya apana sina dabochati hai aur madad ke lie pukarati hai. ye chikhen vahi aadami sun leta hai jisase vah pyar karati hai. sanyog se vah vahin se guzar kar ja raha hota hai. is bhoomika men khoobasoorat tomi maigham the. turant ve jhadi ke pichhe se aate hain.

"kya huaa?"

vah jaharile sanp kee taraf ishara karati hai,"mujhe kat khaya hai."

"kahan?"

vah apane sine kee taraf ishara karati hai.

"ye to sab sanpon se bhi jyada jaharila hai." tomi kahate hain. nishchit roop se unaka matalab sanp se hi hai,"jaldi jaldi hi kuchh karana hoga. ek minat bhi barabad karane ko nahin hai."

ve doktar se milon door hain. aur aise mauke par raktabandh ka jo samany upachar hota hai ki prabhavit hisse par rumal bandh kar khoon men jahar ko failane se roka jaye, sanbhav nahin hai. achanak hi ve use uthate hain, nayika kee kamij ko fadate hain aur unakee naram gori golaee anavrit karate hain. tab ve kaimare kee badatamij nigah se bachane ke lie usaka chehara doosari taraf karate hain, us par jhukate hain aur unaka munh jahar choosane lagata hai aur jaise jaise ve jahar choosate hain, thookate chalate hain.

is choosan aopareshan ke parinam svaroop vah usase shadi kar leti hai.

-------

chaudaha

myoochual kantraikt ke khatm hone ke bad meri bahut ichchha thi ki main farst neshanal shuroo karoon lekin hamare pas koee stoodiyo nahin tha. mainne faisala kiya ki main holivud men zamin kharid kar ek stoodiyo banavaoonga. ye zamin sanaset aur lo bri ke kone men thi aur isamen bahut hi shanadar 10 kamare ka ghar bana huaa tha aur das ekad men ninboo, santare aur aadoo ke darakht the. hamane har tarah se chust-durust yoonit banayi aur isamen devalaping plant, sanpadan kaksh aur daftar banavaye.

jis vakt stoodiyo ban raha tha, main aaram karane ke vaste ek mahine ke lie edana purviens ke sath honolulu kee sair par nikal gaya. un dinon havaee behad khoobasoorat dvip huaa karata tha. fir bhi, mukhy dharati se do hazar mil door bepanah khoobasoorati, usake chid ke darakhton, ganne, mast karane dene vale falon aur foolon ke bavajood vahan rahane ke khyal matr se mera dil dooba ja raha tha. mujhe aise lag raha tha manon kisi tang jagah men fans gaya hoon, jaise kisi lili ke fool men kaid kar liya gaya hoon. main vapis aane ke lie bechain tha.

isamen koee shak nahin tha ki edana poorviens jaisi khoobasoorat ladakee kee maujoodagi mere dil ko apani giraft men n le leti. jab ham pahali bar los ejenls men kam karane ke lie aaye to edana ne ethaletik klab ke pas hi ek apartament kiraye par le liya aur kamobesh har rat main use vahan par dinar ke lie le jata. ham ek doosare ke bare men gambhir the. aur mere dimag men kahin yah bat bhi thi ki kisi din ham shadi kar lenge lekin edana ke bare men mere khud ke kuchh poorvagrah the. main usake bare men pakke taur par kuchh nahin kah sakata tha aur isalie main apane khud ke bare men bhi anishchit tha.

1916 men yah halat ho gayi thi ki ham ek dooje se juda nahin ho sakate the. ham tab red kros ke aur doosare har tarah ke mele-thelon men ghoomate fire. in bhid-bhare melon men edana eershya se bhar uthati aur ise dikhane ka usaka khud ka nazuk aur khataranak tarika tha. agar koee meri taraf kuchh jyada hi dhyan dene lagata to edana gayab ho jati aur mere pas tab ek sandesha aata ki vah behosh ho gayi hai aur mujhe poochh rahi hai. main usake pas bhaga-bhaga jata aur bakee sham usake sirahane bitata. ek aise hi mauke par ek aakarshak mohatarama ne mere samman men ek gardan parti di. mujhe ek sosaiti sundari se doosari sundari ke pas ghumati firi aur aakhirakar mujhe ek lata mandap ke bhitar le gayi. ek bar fir sandesha aaya ki edana behosh ho gayi hai. halanki main is bat se foola nahin samata tha ki jab bhi vah khoobasoorat ladakee behosh hoti thi, hamesha mujhe hi poochhati thi. lekin usakee ye aadat ab koft men dalane lagi thi.

isakee antim parinnati feni vard kee parti men huee jahan kaee hasinaen aur sudarshan yuvak bahut badi sankhya men maujood the. ek bar fir edana behosh ho gayi. lekin is bar jab vah behosh huee to usane pairamaunt ke lambe, aakarshak hiro thomas mighan ko bulavaya. us vakt main is sab ke bare men kuchh bhi nahin janata tha. ye to agale din feni vard ne hi mujhe sab kuchh bataya. edana ke lie meri bhavanaon ko janane kee vajah se vah nahin chahati thi ki is tarah se mujhe bevakoof banaya jaye.

main is par vishvas hi n kar saka. mere aatm samman ko thes lagi thi. main gusse se aag baboola ho raha tha. agar isamen sachchaee hogi to ye hamare sanbandhon par viram hoga. lekin isake bavazood main use itani aasani se nahin chhod saka. usake jane se jo khalipan aata, vah bahut jyada hota. jo kuchh ham donon ke bich ghata tha, un sabake khyal mujhe satane lage.

is ghatana ke agale din main kam hi n kar saka. dopahar ke vakt usase safaee mangane ke irade se mainne use fon kiya. main aisa jatane laga mano main behad gusse men hoon, lekin isake bajaye mere ahan ne baji mar li aur main tane marata jaisa laga. yahan tak ki mainne mamale ke bare men ekadh mazak bhi kar diya,"mera khyal hai ki feni vard kee parti men tumane galat aadami ko bulava liya tha - lagata hai tumhari yadadasht kamazor ho rahi hai."

vah hansi aur mainne pareshani ka halka-sa jhataka mahasoos kiya.

"aap kis bare men bat kar rahe hain?" kaha usane.

main to yahi ummid kar raha tha ki vah ek sire se hi mukar jayegi lekin usane chalakee se kam liya. usane ulate mujhase hi saval kar dala ki kaun hai vo jo mujhe is tarah kee besir-pair kee baten batata rahata hai.

"isase kya fark padata hai ki mujhe kisane bataya. lekin mera khyal hai ki main tumhare lie jyada mayane rakhata hoon bajaye isake ki tum sare aam mujhe moorakh banati firo."

vah behad shant rahi aur yahi kahati rahi ki main aajakal idhar-udhar kee baton par kuchh jyada hi dhyan de raha hoon.

main usakee taraf udasinata dikha kar use chot pahunchana chahata tha,"tumhen mere samane jyada banane kee zaroorat nahin hai," kaha mainne,"tum kuchh bhi karane ke lie aazad ho. tum meri byahata to ho nahin. jab tak tum apane kam ke prati eemanadar ho, vahi mere lie mayane rakhata hai."

is sab ke prati edana poori tarah se sahamat thi aur hamare ek sath kam karane par use koee etaraz nahin tha. usane kaha ki ham hamesha hi achchhe dost bane rah sakate hain. aur is bat ne mujhe pahale se bhi jyada bechara bana diya.

main narvas aur hairan-pareshan fon par ek ghante tak bat karata raha aur samajhauta karane ke lie koee bahana talashata raha. jaisa ki is tarah kee paristhitiyon men aam taur par hota hai, main usamen naye sire se aur jyada shddit se ruchi lene laga. aur jab batachit khatm huee to main usase poochh raha tha ki kya sham ko vah mere sath dinar par chalegi taki ham mamale par aur bat kar saken.

vah hichakichayi lekin main hi ada raha. sach to ye hai ki main gidagida raha tha aur minnaten kar raha tha. us samay mera sara aatm samman aur mere sare tark pata nahin kahan chale gaye the. aakhirakar vah man gayi. us rat ham donon ne haim aur andon ka dinar liya joki usane apane apartament men taiyar kiya tha.

ham donon men ek tarah ka samajhauta-sa ho gaya tha aur ab main kam pareshan tha. kam se kam itana to tha hi ki main agale din kam kar paya. isake bavajood hatasha se upaje gusse ka aur aatm glani ka tanj bakee tha. mujhe apane aap par glani ho rahi thi ki main hi kyon bich-bich men usakee upeksha karane lagata tha. main gahare asamanjas men tha. kya main usase poori tarah se nata tod doon ya n todoon. shayad migham ke bare men jo kissa bataya gaya tha, vah sach nahin tha.

lagabhag tin saptah ke bad vah stoodiyo men apana chek lene ke lie aayi. jis samay vah vapis ja rahi thi tabhi main raste men usase takara gaya. vah apane kisi dost ke sath thi. "aap janate hain tomi migham ko?" usane saumyata se poochha. mujhe halka-sa jhataka laga. us nanhen se pal men edana ajanabi ban gayi mano main usase pahali bar mil raha hooon.

"beshak," mainne kaha.

"kaise ho tomi?" vah thoda-sa pareshani men pad gaya. hamane hath milaye aur usake bad hamane ekadh sukh-dukh kee baten keen aur ve donon ek sath stoodiyo se chale gaye.

alabatta, zindagi sangharsh ka hi doosara nam hai jo hamen bahut kam parinam deti hai. agar ye samasya prem kee nahin hoti to kisi aur chiz kee hoti hai. safalata hairan karane vali thi lekin usake sath hi safalata nam ke is shishu ke sath gati banaye rakhane kee koshish karane ka tanav bhi juda huaa tha. isake bavajood meri santvana mere kam men hi thi.

lekin baras-bhar men bavan hafte tak lekhan karane, abhinay karane aur nirdeshan karane ka kam thaka dene vala tha. isake lie nason ko tod kar rakh dene vali beintaha oorja kee zaroorat thi. ek film ke poora hote hi main gahare avasad aur thakan se ghir jata. aur natija ye hota ki mujhe ekadh din ke lie bistar ke havale ho jana pad jata.

sham ke vakt main uthata aur shant chahal kadami ke lie nikal jata. main tanha-tanha aur udas mahasoos karate hue shahar men mara-mara firata, dukanon kee khidakiyon men sooni-sooni aankhon se dekhata rahata. main aise maukon par kabhi bhi kuchh sochane kee koshish n karata. mera dimag sunn pad jata. lekin main jaldi hi thik bhi ho jata. aam taur par agali subah gadi men stoodiyo kee taraf aate hue meri uttejana laut chukee hoti aur mera dimag fir se tezi se kam karana shuroo kar deta.

sirf ek khyal matr aa jane se bhi main set banane ka aordar de deta aur jab tak set ban rahe hote, kala nirdeshak mere pas byaure lene ke lie aa jata. main us vakt yoon hi kuchh bhi hank deta aur is tarah ke byaure dene lagata ki mujhe daravaje kahan par chahiye aur meharab kahan chahiye. is tarah kee behad hatasha ke aalam men mainne kaee komedi shuroo keen.

kaee bar mera dimag buni huee rassi kee tarah kada pad jata aur tab use dhila karane ke lie kisi upay kee zaroorat padati. aise maukon par rat bahar guzarana rahat ka kam karata. sharab ke nashe se nasen dhili karana mujhe kabhi bhi nahin ras nahin aaya. daraasal, kam karate samay ye mera andhavishvas sa tha ki kisi bhi kism ka nasha vyakti kee kushagrata ko prabhavit karata hai. kisi komedi ko sochane aur use nirdeshit karane se jyada dimag kee satarkata kisi aur kam men zaroori nahin hoti.

jahan tak seks ka saval hai, isaka jyadatar hissa to mere kam men hi chala jata tha. aur kabhi saiks apana shanadar sir uthata bhi to meri zindagi itani aniyamit thi ki ya to mujhe bazar men hi munh marana padata ya fir saiks ka ghanaghor akal hota. alabatta, main pakka anushasan pasand vyakti tha aur apane kam ko gambhirata se leta. balazak kee tarah, jo yah manata tha ki saiks vali ek rat ka matalab hota hai ki aapake upanyas ka ek achchha panna kam hoga, isi tarah main bhi vishvas karata tha ki saiks ka matalab stoodiyo men ek achchhe-bhale din ke kam ka kabada.

ek suvikhyat mahila upanyasakar ko jab pata chala ki main apani aatm katha likh raha hoon to usane kaha, "mera vishvas hai ki aap men sach batane ka sahas to hoga hi." mainne socha ki vah rajanaitik roop se kah rahi hai lekin vah to mere saiks jivan kee bat kar rahi thi. mera khyal hai ki aatm katha men vyakti se ye ummid kee jati hai ki vah apani aindrikata par poora shodh prabandh hi likh dale. halanki main ye nahin janata ki aisa kyon hota hai. mere khyal se to saiks se charitr ko samajhane men ya use samane lane men shayad hi koee madad milati ho. frayad kee tarah main yah nahin manata ki saiks hi vyavahar kee jatilata ka sabase adhik mahattvapoorn tatv hai.

thand, bhookh aur garibi kee sharm se vyakti ke manovigyan par kahin adhik asar pad sakata hai.

har doosare vyakti kee tarah mere jivan men bhi saiks ke daur aate-jate rahe. kabhi-kabhi main poorn purush hota aur kaee bar main behad nirash kar baithata. lekin ek bat thi ki mere jivan men sari dilachaspiyon ka kendr saiks hi nahin tha. mere jivan men srijanatmak dilachaspiyan bhi thin jo mujhe utana hi ulajhaye rahati thin. lekin is kitab men meri aisi koee mansha nahin hai ki main apane saiks ke karanamon ka ek-ek karake bakhan karoon. mujhe aise varnnan akalatmak, naidanik aur akavita jaise lagate hain. han, jo paristhitiyan aapako saiks kee taraf le jati hain, ve mujhe jyada romanchak lagati hain.

isi vishay ke prasang ke anukool, jab main nyoo yark se los enjels vapis lauta to elekjendra hotal men pahali hi rat mere sath ek bahut hi shanadar vakya ghata. main kamare men jaldi hi laut aaya tha aur hal hi ke nyoo yark ke ek gane kee dhun gunagunate hue kapade utar raha tha. khyalon men khoya huaa bich-bich men main ruk jata. aur jab main rukata to sath vale kamare se ek mahila svar us dhun ko vahin se utha leta jahan mainne use chhoda hota. aur tab main us dhun ko vahan se uthata jahan usane chhoda hota. aur is tarah se ye ek mazak ban gaya. aur aakhirakar hamane us dhun ko is tarah se samapt kiya. kya main usase parichay paoon? isamen jokhim tha. isake alava mujhe ratti bhar bhi khyal nahin tha ki vah dekhane men kaisi hogi? mainne ek bar fir dhun bajayi to fir se vahi huaa. us taraf se bhi dhun ko aage badhaya gaya.

"ha ha ha. kya mazedar kissa ho gaya ye to!" main hansa aur apani aavaz men is tarah ka utar-chadhav rakha ki aisa lage ki main khud se bat kar raha hoon aur aisa bhi lage ki usase mukhatib hoon.

doosari taraf se aavaj aayi, "maf keejiye, kuchh kaha aapane?"

tab main chabhi kee jhirri men se fusafusaya,"mera khyal hai aap hal hi men nyoo yark se lauti hain!"

"main aapakee aavaj nahin sun pa rahi hoon!" vah boli.

"tab to zara daravaja kholiye." mainne javab diya.

"main zara-sa daravaja kholoongi lekin khabaradar jo andar aane kee zurrat kee."

"vada karata hoon."

usane char inch ke karib daravaja khola aur mere samane ek behad khoobasoorat lal balon vali navayauvana ladakee khadi thi. mujhe nahin pata ki usane thik-thik kis tarah ke kapade pahane hue the lekin usane oopar se niche tak reshami dhila dhala sa gaun pahana huaa tha aur usaka jo asar huaa, vah ekadam svapnil tha.

"andar mat aana, nahin to main aapakee pitaee kar doongi," usane behad aakarshan ke sath kaha. vah apani pyari dant pankti jhalaka rahi thi.

"aap kaisi hain?" main fusafusaya aur apana parichay diya. vah pahale hi se janati thi ki main kaun hoon aur use pata tha ki main usake sath vale kamare men thahara huaa hoon.

bad men usane us rat bataya ki kisi bhi halat men main sarvajanik roop se use pahachanoonga nahin. yahan tak ki agar ham hotal ke galiyare men ek-doosare ke pas se guzaren bhi to main usakee taraf dekh kar sir n hilaoon. usane apane bare men bas, sirf yahi bataya tha.

doosari rat bhi jab main apane kamare men lauta to usane ni:sankoch mera daravaja khatakhataya aur ham ek bar fir roomani aur jismani rishte men bandh gaye.

tisari rat mujhe kuchh-kuchh oob-si hone lagi thi. isake alava, mere pas sochane ke lie kairiyar aur kam the. isalie chauthi rat main dabe panv apane kamare men aaya aur ye sochata raha ki use mere aane ke bare men pata nahin chalega. main ummid kar raha tha ki use pata bhi nahin chalega aur main apane bistar men ghus jaoonga lekin use mere aane kee khabar mil gayi thi. usane daravaja khatakhatana shuroo kar diya. is bar mainne usakee taraf koee dhyan nahin diya aur sidhe hi sone ke lie bistar men ghus gaya. agale din jab vah hotal ke galiyare men mere pas se guzari to usakee aankhon men baraf ka-sa thanda parichay tha.

agali rat usane daravaja to nahin khatakhataya lekin mere daravaje ke haindal ke ghoomane kee aavaz aayi aur mainne daravaje kee ghundi ghoomate hue dekhi. halanki mainne apani taraf se daravaje ko andar se band kar rakha tha. usane berahami se daravaje ka haindal ghumaya aur fir zor-zor se daravaja pitane lagi.

agali subah mainne yahi behatar samajha ki hotal se hi boriya-bistar bandh liya jaye. aur main ek bar fir ethaletik klab ke kvartars men aa gaya.

mere stoodiyo men bani meri pahali film thi e dogs laif. kahani men thode-bahut vyangy ka put tha aur usamen ek traimp kee jindagi kee tulana kutte kee zindagi se kee gayi thi. yah pradhan katha vastu hi vah dhancha tha jis par mainne chhote-mote hansi ke pal aur prahasan ke roop men hasy paida kiye the. main ek vidhivat dhanche kee shakl dete hue komedi banane kee soch raha tha aur isalie usake dhanchagat svaroop ke bare men bahut satark ho gaya tha. pratyek drishy se agale drishy ka aabhas ho jata tha aur is tarah se ek poori kadi ek dooje se judati chalati thi.

pahale drishy men dikhaya gaya tha ki kuchh kutte jhagad rahe hain aur unamen se ek kutte ko bachaya jata hai. doosare drishy men ek dans hol men ek aisi ladakee kee raksha karate hue dikhaya gaya tha jo ki kutte ka-sa jivan ji rahi thi. is tarah ke bahut sare drishy the jo aapas men mil kar ghatanaon ko ek tark sangat parinnati men pahunchate the. halanki dekhane men ye drishy ek dam sidhe-sade aur spasht se jan padate the lekin inake pichhe gahari soch aur khoj lagi huee thi. agar hansi kee koee bat ghatanaon ke tark men aade aati thi to main use istemal nahin karata tha beshak vah kitani bhi mazakiya kyon n ho.

keeston ke dinon men mera traimp jyada aazad huaa karata tha aur plot se bandha huaa nahin hota tha. us vakt usaka dimag shayad hi kabhi istemal men aata ho. keval usake mool bhav hi hote the jo mool zarooraton, khane, garmi aur sone kee jagah se hi talluk rakhate the. lekin aage badhati harek komedi ke sath traimp aur adhik jatil hota chala ja raha tha. ab sanvedanaen usake charitr men se nithar kar aane lagi thin. ye mere lie samasya ban gayi thi kyonki vah prahasan kee simaon se bandha huaa tha. ye bat kuchh badabolapan lag sakati hai lekin prahasan ke lie ekadam sahi manovigyan kee zaroorat hoti hai.

isaka samadhan tab mila jab mainne traimp ko ek tarah ke bhand ke roop men socha. is sankalpana ke sath ab mere pas abhivyakti ke lie aur jyada aazadi thi aur main ab sanvedanaon ke pirote hue komedi kar sakata tha. lekin tarkik roop se dekhen to traimp men dilachaspi rakhane vali koee khoobasoorat ladakee khoj pana mushkil kam tha. meri filmon men ye hamesha kee samasya rahi hai. d gold rash men ladakee traimp men is roop men dilachaspi lena shuroo karati hai ki vah pahale traimp par ek fikara kasati hai. bad men vahi fikara use becharagi kee taraf le jata hai aur traimp ise usaka pyar samajh baithata hai. siti saits men ladakee andhi hai. is sanbandh men traimp ladakee ke prati tab tak romantik aur shanadar hai jab tak usakee aankhon kee raushani nahin laut aati.

jaise-jaise kahani ke gathan men mera hath saf hota gaya, vaise-vaise hi komedi kee meri aazadi kam hoti chali gayi. mere ek prashansak ne, jo keeston ke vakt kee meri hasy filmon ko hal hi kee hasy filmon kee tulana men jyada pasand karata tha, likha,"us vakt janata aapakee gulam thi aur is vakt aap janata ke gulam hain."

apani shuruaati hasy filmon ke lie bhi main mood pakadane ke lie chhatapatata tha aur aam taur par sangit hi mujhe rah sujhata tha. misej grundi nam ke ek purane gane ne d imigrent ke lie mood taiyar kiya. isakee dhun men gazab kee narami thi aur batati thi ki kis tarah se do akele sadak chhap ek manahoos barasat ke din shadi karate hain.

kahani men dikhaya jata hai ki ek charlot amerika kee taraf ja raha hai. jahaj men vah ek ladakee aur usakee man se milata hai jo usi kee tarah fatehal hain. jab ve nyoo yark men pahunchate hain to donon bichhud jate hain. bad men vah us ladakee se ek bar fir milata hai lekin is bar ladakee akeli hai. aur khud usakee tarah zindagi men asafal hai. jis vakt ve bat karane ke lie baithate hain, vah anajane men kale kone vala rumal istemal karati hai jisase vah yah sandesha deti hai ki usakee man mar chukee hai. aur han, aakhir men ve ek manahoos barasat ke din shadi kar lete hain.

chhoti-chhoti, aasan-si lagane vali dhunon ne mujhe doosari hasy filmon ke lie chhaviyan din. tventi minats aof lav nam kee ek film thi. ye parkon men, pulis vale aur narsanuma naukaraniyon kee falatoo kee aur besir-pair kee latifebaji se bhari huee film thi. is film men mainne 1914 kee ek mashahoor do lainon vali dhun too mach mastard par paristhitiyan buni thin. vayoletra nam ke git ne siti laits ke lie mood banane men madad kee thi jabaki gold rash ke lie mood aold laing sain kee madad se bana tha.

bahut pahale, 1916 men fichar filmon ke lie mere man men dheron khyalat the. ek film men chandrama ka ek daura dikhaya jata jahan par olampik khelon ke hansi-mazak bhare drishy hote aur vahan gurutvakarshan ke niyamon ke sath khilavad karane kee sanbhavanaon ka pata lagaya jata. yah pragati par ek tarah ka kataksh hota. mainne khana khilane vali ek fiding mashin ke bare men bhi socha tha. ek rediyoilaiktrik hait ka bhi khyal mere man men tha. is hait ko lagate hi usamen vyakti ke vichar darj hone shuroo ho jate. aur us vakt kee musibat ke bare men bataya jata jab main is hait ko sir par pahanata hoon aur mera parichay chandrama par rahane vale aadami kee behad kamaniy bivi se karaya jata hai. bad men mainne is fiding mashin ko madarn taims men istemal kiya tha.

sakshatkar karane vale mujhase poochhate hain ki mujhe apani filmon ke lie vichar ya aaidiya kahan se milata hai aur main aaj din tak is bat ka koee santoshajanak javab nahin de paya hoon. barason ke bad mainne yahi paya hai ki vichar tabhi aate hain jab aap men vicharon ke lie utkat ichchha ho. lagatar ichchha karate rahane se aapaka dimag aisi ghatanaon kee talash men bhatakane vala burj ho jata hai jinamen aapakee kalpana ko uttejit karane ka madda ho, sooryoday aur sooryast bhi vicharon ko amali jama pahana sakate hain.

main to yahi kahoonga ki koee bhi aisa vishay lijiye jo aapako uttejit kare. ise failaiye aur isamen ram jaiye. aur agar aap ise aur aage nahin badha pa rahe hain to ise chhod dijiye aur doosare vichar par kam karana shuroo kar dijiye. jo kuchh aap sanjote hain, usamen se ulichate rahana hi vah prakriya hai jisamen aapako vah mil jata hai jo aap khojana chahate hain.

to aadami ke pas vichar aate kaise hain. pagalapan kee had tak jane ke bad achanak hi. aadami men takalif sahane kee koovvat honi chahiye aur utsah ko der tak barakarar rakhane ka madda hona chahiye. ho sakata hai aisa kar pana kuchh vyaktiyon ke lie doosaron kee tulana men aasan hota hota ho lekin mujhe isamen shak hai.

han, isamen koee shak nahin ki pratyek sanbhavanashil komik ko komedi ke bare men aadhyatmik sadharanikaran se ho kar guzarana padata hai. keeston men jo filmen banati thin, unamen har doosare din ek jumala uchhala jata tha ki "aashchary aur rahasy ka tatv hona chahiye filmon men."

main manav vyavahar ko samajhane ke lie manovishleshan kee gaharaiyon men utarane kee koshish nahin karoonga jo ki apane aap hi zindagi kee tarah vivechana se pare hai. saiks ya bal sulabh matibhransh se bhi adhik. mera yah manana hai ki hamare adhikansh vicharashil dabav poorvaj anuroop karanon se hote hain. alabatta, mujhe yah janane ke lie kitaben padhane kee zaroorat nahin hai ki zidangi kee thim sangharsh aur takalif hai. ye sahaj sanvedanaon ka hi kamal tha ki mera sara jokarapana inhin par aadharit tha. komedi bunane ke mere sadhan saral the. yah prakriya thi aadamiyon ko takalifon ke bhitar le jane kee aur usase bahar le aane kee.

lekin hasy thoda-sa alag aur jyada barik hota hai. maiks eestamain ne apani kitab d sens aof hyoomar men isaka vishleshan kiya hai. ve isaka nichod is tarah se nikalate hain ki ye mano khilandade dard men se nikala gaya ho. ve likhate hain ki aadami nam ka yah prani aatmapidak hota hai aur vah dard ka kaee roopon men aanand uthata hai. aur darshak bhi vaise hi doosare ka chola dharan karake pida bhogana pasand karate hain jis tarah se bachche khel-khel men uthate hain. bachche khel-khel men mara jana aur maut kee bhayavahata se guzarana pasand karate hain.

main is sab se sahamat hoon. lekin ye hasy ke bajaye drama ka jyada vishleshan hai. halanki donon dekhane men ek jaise hi lagate hain lekin hasy ke bare men mera vishleshan thoda alag hai. jo sadharan vyavahar lagata hai ye usase mamooli-sa hat kar hota hai. doosare shabdon men, hasy ke jariye jo tarkik hota hai, usamen ham atarkik dekhate hain aur jo mahattvapoorn lagata hai usamen amahattvapoorn dekh lete hain. ye hamari jijivisha ke star ko bhi oopar uthaye rahata hai aur hamare hosho-havas ko bachaye rakhata hai. ye hasy hi hota hai jisakee vajah se ham zindagi kee badatamijiyon ko dekh kar khushi se bahut jyada khush nahin hote. isase anupat kee hamari soch ko gati milati hai aur ye bat hamare samane rakhata hai ki gambhirata se kahi gayi kisi bat men bhi vahiyatapana chhupa hota hai.

misal ke taur par, kisi vyakti ke antim sanskar ka drishy hai. mitr aur sanbandhigan mritak kee chita ke aas-pas samman se sir jhukaye jama hain. tabhi koee let latif thik usi vakt vahan aa pahunchata hai jab ki prarthanaen, bas, shuroo hone hi vali hain. vah hadabadi men ek khali sit kee taraf lapakata hai jahan sanvedana prakat karane aaya koee vyakti apana hait bhool gaya hai. apani hadabadi men let latif achanak usi hait ke oopar ja baithata hai. tab mook kshama yachana ke sath vah muchada huaa hait us vyakti ko saunpata hai. hait ka malik mook gusse ke sath hait le leta hai aur apana dhyan prarthanaon kee taraf lagaye rakhata hai. aur aap dekhate hain ki us pal kee gambhirata hasyaspad ho gayi hai.


§ charli chaiplin ne kaee sthalon par apane lie charlot shabd ka prayog kiya hai.

------

(kramashah agale ankon men jari…)

tag : charlie chaplin, autobiography of charlie chaplin in Hindi, hindi translation of charlie chaplin’s autobiography, suraj prakash

charli chaiplin kee aatmakatha (7)

Posted: 02 Sep 2008 01:12 AM PDT

meri aatmakatha

image

charli chaiplina

 

charli chaiplin kee aatmakatha

-anuvad : sooraj prakasha

suraj prakash

(pichhale ank 6 se jari…)

gyaraha

keenot kampani ko chhodana mere lie takalifadeh tha kyonki main vahan par senet aur doosare sabhi logon ka priy vyakti ban chuka tha. mainne kisi se bhi vida ke do shabd nahin kahe; main kah hi nahin saka. ye sab shushk, aasan tarike se ho gaya. mainne shanivar kee rat ko apani film ka sanpadan poora kiya aur agale somavar mistar endarasan ke sath sain fransisko ke lie ravana ho gaya jahan par hamen unakee hare rang kee nayi marsadiz kar ke darshan hue. ham sent fransis hotal men sirf lanch ke lie hi ruke usake bad men nails chale gae. vahan par endarasan ka apana ek chhota sa stoodiyo tha aur usamen unhonne esene kampani ke lie branko bili vestarns banayi thi (esene spooar aur endarasan ke pahale aksharon ko milakar banaya gaya nam tha).

nails sain fransisko se bahar kee or ek ghante kee draiv kee doori par tha aur rel kee patariyon ke pas basa huaa tha. ek chhota sa shahar tha aur vahan kee aabadi char sau kee thi aur vahan ka kam dhandha lasun ghas tatha pashupalan tha. stoodiyo lagabhag char mil bahar kee or ek khet ke bichon-bich bana huaa tha. jab mainne ise dekha to mera dil doobane laga kyonki isase kam preranadayak kuchh aur ho hi nahin sakata tha. isakee kanch kee chhat thi, jahan par garmiyon men kam karana behad mushkil ho jata tha. endarasan ke kaha ki ve mere lie meri pasand ka aur komedi banane ke lie behatar tarike se susajjit stoodiyo shikago ke aasapas dhoondhenge. main nails men sirf ek hi ghanta raha aur endarasan apane staf ke sath kuchh kamakaz nipatate rahe. tab ham donon fir se sain fransisko ke lie chal pade. vahan se hamane shikago ke lie yatra shuroo kee.

mujhe endarasan achchhe lage the. unamen ek khas tarah ka aakarshan tha. rel yatra men unhonne meri ek bhaee kee tarah dekh bhal kee aur alag-alag steshanon par kaindi aur patrikaen le aate. ve lagabhag 40 baras ke sharmile aur chuppe vyakti the aur jab karobar kee charcha kee jati ve bade itminan ke sath kah dete,"isake bare men chinta mat karo. sab thik ho jaega." ve bahut kam bat karate the aur hamesha khyalon se ghire rahate. isake bavajood mainne mahasoos kiya ki ve bhitar hi bhitar kaiyan the.

yatra rochak thi. tren men tin vyakti the jinhen hamanen pahali bar daining kar men dekha. unamen se do to sanpann lag rahe the, lekin tisara betaratib-sa lagane vala sadharan sa aadami tha. un tinon ko ek sath khana khate dekh hamen hairani huee. hamane andaza lagaya ki do vyakti to injiniyar ho sakate hain aur tisara sadak chhap aadami chhote-mote kam karane ke lie mazadoor raha hoga. jab ham daining kar se chale to unamen se ek hamare koope men aaya, apana parichay diya. usane bataya ki vah sent luees ka sherif hai aur usane branko bili ko pahachan liya hai. ve fansi die jane ke lie ek kaidi ko sain kvintan jel se vapis sent lois lie ja rahe hain aur choonki ve kaidi ko akela nahin chhod sakate hain, kya ham unake koope men aakar zila etorni se milana pasand karenge?

sherif ne vishvas ke sath kaha,"hamane socha ki aapako paristhitiyon ke bare men janana achchha lagega. ye jo kaidi hai, isaka achchha-khasa aaparadhik rikard hai. jab adhikari ne ise sent lois men giraftar kiya to is bande ne kaha ki use apane kamare men jakar apane trank men se kuchh kapade-latte lane kee ijazat di jae aur jis vakt vah apane trank men saman talash raha tha, to achanak hi vah apani bandook ke sath ghooma aur afasar ko goli mar di aur tab bhag kar kailiforniya chala gaya. vahan par use sendhamari karate hue pakada gaya aur tin baras kee saza di gayi aur jab vah bahar nikala to jila etorni aur main usaka intazar kar rahe the. yah ekadam sidha sada hat‍ya ka mamala hai - ham use fansi denge." usane josh ke sath kaha.

endarasan aur main unake koope men gae. sherif hansod mota-sa aadami tha, jisake chehare par sadabahar muskurahat aur aankhon men chamak basi huee thi. jila etorni kuchh jyada-hi ganbhir aadami tha.

apane mitr se hamara parichay karane ke bad sherif ne kaha,"baith jaie." tab vah kaidi kee taraf muda,"aur ye haink hai." kaha usane, "ham ise sent lois vapas le ja rahe hain, jahan par vah fande men fansega."

haink vidroopata se hansa lekin kuchh kaha nahin. vah lagabhag 45-46 baras ka chh: futa aadami tha. usane yah kahate hue endarasan se hath milaya, "branko bili, mainne aapako kaee bar dekha hai aur he bhagavan! aap kaise unhen bandooken thamate hain aur unhen dharashayi kar dete hain, mainne aaj tak nahin dekha." haink mere bare men bahut kam janata tha. usane bataya: vah tin baras tak sain kvintan men raha tha, "aur bahari duniya men aisa bahut kuchh chalata rahata hai, jisake bare men aapako pata hi nahin chalata."

halanki ham sab bahut sahajata se bat kar rahe the lekin ek bhitari tanav tha, jisase ubar pana mushkil lag raha tha. main sakate men tha ki kya kahoon isalie main sherif ke jumale par khinse niporane laga.

"ye ek bahut mushkil duniya hai." branko bili ne kaha.

"han, so to hai." sherif ne kaha,"ham ise kam mushkil banana chahate hain. haink is bat ko janata hai."

"beshak!" haink ne upahas karate hue kaha.

sherif ne upadesh dena shuroo kar diya,"yahi bat mainne haink se kahi thi jab vah sain kvintan se bahar aaya tha. mainne usase kaha ki agar vah hamare sath jyada sayanapan dikhaega to ham bhi usake sath vaise hi pesh aaenge. ham hathakadiyon ka istemal karana ya tam jham failana nahin chahate; hamane usake pair men sirf bedi dal rakhi hain."

"bedi! vo kya hoti hai?" mainne poochha.

"aapane kabhi bedi nahin dekhi hai?" sherif ne poochha

"apane paint oopar karo, haink."

haink ne apana paincha oopar kiya aur vahan par lagabhag panch inch lanbi aur tin inch moti nikal pleted bedi usake takhane ke charon or jakadi huee thi aur usaka vazan 40 paund raha hoga. isase batachit bediyon kee nayi nayi kismon kee taraf mud gayi. sherif ne bataya ki is khas bedi men andar kee taraf rabar kee parat chadhi huee hai, jisase kaidi ko aasani ho jati hai.

"kya ye isake sath hi sota hai?" mainne poochha.

"ye to bhaee, nirbhar karata hai." sherif ne haink kee taraf sakuchate hue dekhate hue kaha.

haink kee muskurahat udas aur rahasyamay thi.

ham unake sath dinar ke samay tak baithe rahe aur jaise-jaise din dhalata gaya, batachit us tarike kee or mud gayi jisamen haink ko fir se giraftar kiya gaya tha. sherif ne bataya tha ki jel-soochana ke aadan-pradan se unhen foto aur ungaliyon ke nishan mile the aur unhen yakeen ho gaya ki haink hi vah aadami hai jisakee unhen talash hai. isalie jis din haink ko riha kiya jana tha, ve sain kvintan kee jel ke daravaze par pahunch gae the.

"han!" apani chhoti-chhoti aankhen timatimate hue aur sherif aur haink kee taraf dekhate hue sherif bole,"ham sadak ke doosari taraf isaka intazar karane lage. bahut jald hi jel ke get ke ek taraf vale daravaze se haink bahar aaya." sherif apani anamika ungali apani nak ke pas le gae aur dhire se vyangapoorn hansi ke sath haink kee disha men ishara karate hue bole,"mera khyal hai, yahi vah vyakti hai, jisakee hamen talash hai."

endarasan aur main mantramugdh use sunate rahe,"isalie hamane usake sath sauda kiya" sherif ne kaha,"agar vah hamare sath chalabazi karega to ham use sidha kar denge." ham ise nashte ke lie le gae aur use garama garam kek aur ande khilae aur dekhie ise farst klas men yatra kar raha hai. hathakadi aur bedi men mushkil se le jae jane se to yah behatar hi hai."

haink muskuraya aur bhunabhunaya,"agar main chahata to main aapake sath pratyarpan ke mamale par lad sakata tha."

sherif ne use thandepan se dekha,"usase tumhara koee khas bhala n huaa hota, haink." unhonne dhire se kaha,"isase bas mamooli si der hi hoti. kya aaram se farst klas men jana behatar nahin hain?

"mera khyal hai, behatar hi hai." haink ne kandhe uchakae.

jaise jaise ham haink kee manzil ke nazadik aa rahe the, usane lagabhag pyar bhare svar men sent loees men jel ke bare men baten karani shuroo kar din. usane doosare kaidiyon dvara apana mukadama lade jane kee pratyasha se hi khushi ho rahi thi,"main to bas soch raha hoon ki jab main kangaroo kort ke samane pahunchoonga to ve gorilla mere sath kya karenge. jara socho to. ve mera tanbakhoo aur meri sigareten mujhase le lenge."

sherif aur etorni ka haink ke sath sanbandh thik vaisa hi tha jaisi us sand ke sath maitador ka dular hota hai, jise vo marane vala hai. jab ve tren se utare to ye disanbar ka aakhiri din tha aur jab ham alag hue to sherif aur etorni ne hamen navavarsh kee shubhakamanaen din. haink ne bhi udasi se yah kahate hue hath milae ki sari achchhi chizon ka ant hota hi hai. yah tay kar pana mushkil tha ki use vida kaise di jae. usaka aparadh krooratapoorn aur kayarapane ka tha. isake bavajood mainne paya ki main use shubhakamana ke do shabd kah raha hoon jis vakt vah apani bhari bedi ke sath tren se langadata huaa utar raha tha. bad men hamen pata chala tha ki use fansi de di gayi thi.

jab ham shikago pahunche to hamara svagat mistar spooar ke bajay stoodiyo mainejar ne kiya. usane bataya ki mistar spooar karobar ke silasile men bahar gae hue hain aur nae varsh kee chhuttiyon tak vapas nahin aaenge. mujhe nahin laga ki mistar spooar kee gair haziri se is vazah se koee khas fark nahin padane vala hai ki nae varsh kee shuruaat se pahale stoodiyo men kuchh bhi nahin hone vala. is bich mainne nav varsh kee poorv sandhya endarasan, unakee patni aur parivar ke sath bitayi. nav varsh ke din endarasan yah aashvasan dete hue kailiforniya ke lie ravana ho gae ki jaise hi spooar lautenge ve sare chijon, jinamen das hajar dolar ka bonas shamil hai, ko dekh lenge. stoodiyo audyogik jile men tha aur zaroor kabhi godam raha hoga. subah ke vakt main vahan pahuncha, n to spooar aae the aur n hi mere karobar kee vyavasthaon ke bare men koee hidayaten chhod gae the. turant hi laga ki zaroor kuchh n kuchh gadabad hai aur aofis vale jitana batane ko taiyar the, usase jyada janate the. lekin usase main pareshani men nahin pada; mujhe yakeen tha ki ek achchhi film meri sari samasyaon ko hal kar degi, isalie mainne prabandhak se poochha ki kya vah janata hai ki mujhe stoodiyo staf ke poora sahayog milana hai aur unakee sari suvidhaon ko istemal karane kee poori chhoot hai.

"beshak!" usane zavab diya,"mistar endarasan is bare men hidayaten de gae hain."

"tab to main turant kam karana chahoonga." mainne kaha.

"behatar hai." usane javab diya,"pahali manjil par aapako sineriyo vibhag kee mis loyala parsans milengi, ve aapako patakatha dengi."

"main doosare logon kee patakathaon ko istemal nahin karata. apani khud kee patakatha likhata hoon." mainne palatakar javab diya.

main ladane bhidane ke mood men tha kyonki ve sari chijon ke bare men aur spooar kee anupasthiti ke bare men bahut halke tarike se pesh aa rahe the; stoodiyo ka staf akadoo tha aur baink klarkon kee tarah hath men saman kee mang parchi liye idhar udhar dolata rahata tha mano ve garanti trast kampani ke sadasy hon. unaka karobari tarike se pesh aana bahut aakarshak tha lekin unakee filmen nahin. oopar vali manzil par alag alag vibhagon ke bich is tarah ke partishan dale gaye the mano baink ke telaron ke dadabe hon. ye sab kuchh tha lekin srijanatmak kam ke lie anukool nahin tha. chh: bajate hi, is bat kee paravah kiye bina ki drishy aadha huaa hai ya nahin, nirdeshak sab kuchh chhod chhad kar chal deta aur battiyan band kar di jatin aur sab log apane apane ghar chale jate.

agali subah main kalakaron ka chayan karane vale kasting ke daftar men gaya. "main kuchh kalakar chunana chahoonga," mainne shushkata se kaha,"isalie kya aap apani kampani ke aise logon ke mere pas bhejane ka kasht karenge jo filahal kam men lage hue nahin hain?"

unhonne mere samane aise log hazir kar diye jo unake khyal se mere kam ke ho sakate the. vahan par bhengi aankhon vala ek aadami tha jisaka nam ben tarpin tha jo rassi vagairah ka kam janata tha aur usake pas un dinon aisene men koee khas kam nahin tha. mainne use hathon-hath pasand kar liya, so use chun liya. lekin koee pramukh mahila patr nahin thi. kaee kaee sakshatkar lene ke bad ek aavedak men kuchh sanbhavanaen nazar aayin. vah ek khoobasoorat si yuva ladakee thi jise kampani ne hal hi men karar par rakha tha. lekin, he bhagavan! main usake chehare par hav bhav la hi n saka. vah itani gayi guzari thi ki mainne har man li aur use dafa kar diya. kaee barason ke bad gloriya svainasan ne mujhe bataya tha ki vahi vah ladakee thi aur ki drame men kuchh karane kee mahattvakanksha ke chalate aur svang vali chijen pasand n karane ke karan hi us din usane jan boojh kar sahayog nahin diya tha.

fransis eks bushamain, us vakt ke aisene ke mahan kalakar ne us jagah ke prati meri napasandagi ko tad liya, "aap stoodiyo ke bare men jo kuchh bhi sochen," kaha usane,"ye to bas, viparit dhruvon vala mamala hai." lekin aisa nahin tha. n to mujhe stoodiyo napasand tha aur n hi mujhe viparit dhruv shabd hi pasand aaya. paristhitiyan bad se badatar hoti chali gayin. jab main apani film ke rashez dekhana chahata to ve pojitiv print ka kharcha bachane ke lie mool negetiv film hi chala dete. is bat ne mujhe dara diya. aur jab mainne is bat kee mang kee ki ve ek pojitiv print banayen to unhonne is tarah ke hav bhav dikhaye mano main unhen divaliya karane aa gaya hoon. ve log sankeern aur aatm tusht the. choonki ve film karobar men sabase pahale aaye the, aur unhen petent adhikaron se suraksha mili huee thi aur is tarah se ve film nirman men ekadhikar rakhate the, achchhi film banana unaka antim uddesh‍y tha. aur halanki doosari kampaniyan unake petent adhikar ko chunauti de rahi thin aur behatar filmen bana rahi thin, aisene abhi bhi apane taur tarike badalane ko taiyar nahin the aur har somavar kee subah tash ke patton kee tarah sineriyo ka dhandha kar rahe the.

mainne apani pahali film lagabhag poori kar li thi. isaka nam tha hiz nyoo job. do hafte bit gaye the aur ab tak mistar spooar ke darshan nahin hue the. n to mujhe vetan mila tha aur n hi bonas hi, isalie main tiraskar se bhara huaa tha.

"mistar spooar kahan par hain?" mainne frant aofis men ja kar janana chaha. ve pareshani men pad gaye aur koee santoshajanak uttar n de sake. mainne apani narazagi chhupane kee koee koshish nahin kee aur poochha ki kya har bar ve apana karobar isi tarike se karate hain.

kaee baras bad mainne khud mistar spooar se suna tha ki huaa kya tha. aisa lagata hai ki jab spooar, jinhonne kabhi mera nam bhi nahin suna tha, ko jab pata chala ki endarasan ne mujhe barah sau dolar prati saptah aur das hazar dolar ke bonas par ek baras ke lie sain kar liya hai to unhonne hadabadate hue endarasan ko yah janane ke lie ek tar bheja ki kahin ve pagal to nahin ho gaye hain aur jab spooar ko pata chala ki endarasan ne mujhe jaiss robins kee sifarish par sirf ek jooe ke taur par sain kiya hai, unakee chinta duguni ho gayi. unake pas aise aise hansod the jinamen se sabase achchhe kalakar sirf pichahattar dolar prati saptah par kam kar rahe the aur jo ve jo komedi banate the, mushkil se unaka kharcha hi nikal pata tha. isalie spooar shikago se gayab hi ho gaye the.

alabatta, jab ve laute to apane kaee doston ke sath shikago ke bade hotalon men se ek men khana kha rahe the to unakee hairani ka thikana n raha jab doston ne unhen is bat par badhaee di ki main unakee kampani men shamil ho gaya hoon. isake alava charli chaiplin ke bare men stoodiyo karyalay men pahale se jyada prachar hone laga tha. isalie unhonne socha ki ek aajamaish karake dekhi jaye. unhonne hotal ke ek chhokare ko bulavaya, use chauthaee dolar diya aur kaha ki vah poore hotal men ghoom ghoom kar charli kee talash ke lie aavaz lagaye. ladaka jaise jaise lobi men ye chillata ghoomane laga ki "charli chaiplin ke lie fon!!", log usake aas pas jutane lage aur aalam ye ho gaya ki charon taraf uttejana aur halachal mach gayi. meri lokapriyata se ye unaka pahala sabaka tha. doosari ghatana film eksachenj ke daftar men tab huee thi jab ve vahan par maujood nahin the; unhonne paya ki mere film shuroo karane se pahale hi film kee painsath pratiyon kee agrim bikri ho jati thi. aisa aaj tak nahin huaa tha aur jab tak main film poori karata, ek sau tis print bik chuke hote aur abhi bhi aordar aa rahe hote. unhonne turant hi keemat terah sent se badha kar pachchis sent prati fut kar di.

aakhirakar jab spooar aaye to mainne unase chhootate hi apane vetan aur bonas kee bat kee. ve tarah tarah se kshama mang rahe the aur bata rahe the ki ve apane frant aofis ko mere sare karobari intazam karane ke lie kah kar gaye the. unhonne karar nahin dekha tha lekin ye man kar chal rahe the ki unake frant aofis ko isake bare men sab kuchh maloom hoga.

spooar oonche kad ke, thode bhari sharir vale mridu bhashi vyakti the. ve aakarshak bhi hote agar unake chehare par mans kee pili parat n chadhi hoti aur unaka mota sa oopari honth niche vale honth ke oopar tika n hota.

"mujhe afasos hai ki aap is tarah se sochate hain," kaha unhonne, "lekin aap ko pata hona chahiye charli ki hamari farm ek izazatadar farm hai aur ham apane karar hamesha poore karate hain."

"thik hai, lekin is karar ko aap poora nahin kar rahe hain," mainne toka.

"koee bat nahin, ham abhi sare mamale sulajha lete hain." unhonne kaha.

"mujhe koee jaldi nahin hai." mainne kataksh ke sath javab diya.

shikago men mere sankshipt pravas ke dauran spooar ne mujhe tusht karane kee har tarah se koshish kee. lekin main kabhi bhi unakee apekshaon ke anuroop khara nahin utar saka. mainne unhen bataya ki main shikago men kam karane men khush nahin hoon aur ki agar ve natije chahate hain to mere lie kailiforniya men kam karane kee vyavastha kara den.

"ham aisa kuchh bhi karenge jisase aapako khushi mile," unhonne kaha,"nails jane ke bare men kya khyal hai?"

main is prastav par bahut khush nahin tha, lekin main spooar kee tulana men endarasan ko jyada pasand karata tha, isalie hiz nyoo job poori kar lene ke bad main nails chala gaya.

bronko bili apani vestarn filmen vahin par banaya karate the. ye ek-ek ril kee filmen huaa karati thin jinhen banane men unhen ek hi din lagata tha. unake pas sat hi kahaniyon ke plot the jinhen ve ghuma-fira kar bar-bar doharate rahate the aur inhin se unhonne kaee lakh dolar kamaye the. ve kabhi kabhar kam karate the. kabhi-kabhi ve ek-ek ril kee sat filmen ek hi hafte men bana kar dhar dete. aur fir chh: saptah ke lie chhutti manane chale jate.

nails men stoodiyo ke aas-pas kailiforniya shaili ke kaee chhote-chhote bangale the jo bronko bili ne apani kampani ke staf ke lie banavaye the. ek bada-sa bangala tha jo unake khud ke lie tha. unhonne bataya ki agar main chahoon to unake bangale men unake sath hi rah sakata hoon. main is prastav se khush huaa. bronko bili, karodapati kauboy, jinhonne shikago men apani patni ke aalishan apartament men meri aavabhagat kee thi, ke sath rahane se kam se kam nails men zindagi sahane yogy to rahegi.

jis samay ham bangale par pahunche, us vakt andhera tha. jab hamane svich aon kiye to mujhe jhataka laga. jagah ek dam khali aur manahoosiyat bhari thi. unake kamare men lohe kee ek charapaee rakhi thi aur usake oopar ek balb latak raha tha. kamare men farnichar ke nam par ek khastahal mez aur ek kursi bhi the. palang ke pas lakadi kee ek peti rakhi thi jis par pital kee ek aish tre rakhi thi jo sigaret ke toton se poori tarah se bhari huee thi. mujhe jo kamara diya gaya tha, vo bhi kamobesh aisa hi tha. usamen bas, rashan rakhane kee peti nahin thi. koee bhi chiz kam karane kee halat men nahin thi. gusalakhane ke to aur bhi bure hal the. nahane ke nalake se ek mag pani bhar kar laitrin men le jana padata tha tabhi flash kiya ja sakata tha aur laitrin ko istemal kiya ja sakata tha. ye ghar tha ji em endarasan, karodapati kauboy ka.

main is natije par pahuncha ki endarasan sanakee the. karodapati hone ke bavajood ve garimamay jivan ke prati zara bhi paravah nahin karate the. unake shauk the, bhadakeele rangon vali karen, noora kushtiyon ke pahalavanon ko palana, ek thiyetar rakhana aur sangitamay prastutiyan karana. jab ve nails men kam n kar rahe hote, ve apana adhikatar samay sain frainsisko men bitate, jahan par ve chhote, kam keemat vale hotalon men thaharate. ve ajib hi kism ke shakhs the, aspasht, mauji aur bechain, jo aanand bhari akeli zindagi kee chah rakhate the. aur halanki shikago men unakee bahut hi khoobasoorat patni aur beti thi, ve shayad hi unase milate. ve alag aur apane tarike se apani zindagi ji rahi thin.

ek bar fir se ek stoodiyo se doosare stoodiyo men dhakke khana koft men dalata tha. mujhe kam karane vali ek aur yoonit ka intazam karane kee zaroorat padi. isaka matalab, ek aur santoshajanak kaimaramain, sahayak nirdeshak aur kalakaron kee toli chunani padi. kalakaron kee toli chunana thoda mushkil kam tha kyonki nails men itane log hi nahin the jinamen se chunane kee bat aati. endarasan kee kouboy kampani ke alava nails men ek aur kampani thi. ye ek namaloom si komedi kampani thi jinaka kam-kaj chalata rahata aur jab ji em endarasan kee kampani kam n kar rahi hoti to kharche nikal liya karati thi. kalakaron kee toli men barah log the. aur inamen se jyadatar kouboy abhineta the. ek bar fir mere samane mukhy bhoomika ke lie koee khoobasoorat-si ladakee talash karane kee samasya aa khadi huee. ab main is bat ko le kar pareshan tha ki kaise bhi karake kam shuroo kiya jaye. halanki mere pas kahani nahin thi, mainne aadesh diya ki tadak bhadak vale ek kaife ka set banaya jaye. jab mujhe hansi-thitholi ke lie kuchh bhi n soojhata to kaife ke vichar se mujhe kuchh n kuchh zaroor soojh jata. jis samay set banaya ja raha tha, main ji em endarasan ke sath sain fransisko ke lie ravana ho gaya taki vahan par unakee sangitamay komedi men samoohagan gane vali ladakiyon men se apane lie pramukh abhinetree chun sakoon. halanki ve achchhi ladakiyan thin fir bhi unamen se kisi ka bhi chehara fotojenik nahin tha. endarasan ke sath kam karane vale karl stros, khoobasoorat yuva jarman-amerikee kauboy ne bataya ki vah ek aisi ladakee ko janata hai jo kabhi-kabhi hil strit par tate ke kaife men jati hai. vah use vyaktigat roop se nahin janata tha lekin vah khoobasoorat hai aur ho sakata hai ki hotal ka malik usaka pata janata ho.

mistar tate use bahut achchhi tarah se janate the. vah lavalok, nevada kee rahane vali thi aur usaka nam edana purviens tha. turant hi hamane usase sampark kiya aur usase sent fransis hotal men mulakat ke lie samay tay kiya. vah khoobasoorat se kuchh jyada hi thi. kamaniy thi vah. sakshatkar ke samay vah udas aur gambhir jan padi. mujhe bad men pata chala ki vah apane hal hi ke ek prem prasang se ubar rahi thi. usane kolej tak kee padhaee kee thi aur usane bijines kors kiya tha. vah shant aur alag thalag rahane vali ladakee thi. usakee badi-badi aankhen, sundar dant-pankti aur sanvedanashil munh tha. mujhe is bat par shak tha ki vah itani gambhir dikhati hai ki vah abhinay bhi kar payegi ya nahin aur usamen hasy bodh hai ya nahin. isake bavazood, in sari baton ko dar kinar karate hue hamane use rakh liya. vah meri komedi filmon men kam se kam saundary to bikheregi.

agale din ham nails laut aaye lekin ab tak kaife ban kar taiyar nahin huaa tha. jo dhancha unhonne khada kiya tha, vah vahiyat aur bakavas tha. stoodiyo men pakke taur par takanikee gyan kee kami thi. kuchhek badalavon ke lie kahane ke bad main kisi aaidiya kee talash men baith gaya. mainne ek shirshak socha, hiz nait aaut? khushi kee talash men ek sharabi. shuruaat karane ke lie itana kafi tha. mainne yah mahasoos karate hue nait klab men ek jharana lagava diya ki isi se shayad kuchh hansi-mazak kee chijen nikal aayen. mere pas thalue kee bhoomika ke lie ben tarpin tha. jis din hamane film shuroo karani thi, usase ek din pahale endarasan kee kampani ke ek sadasy ne mujhe rat ke khane par aamantrit kiya. ye sidhi-sadi parti thi. vahan par edana purviens ko mila kar ham bis ke karib log the. khane ke bad kuchh log tash khelane baith gaye jabaki doosare log aas pas baith kar baten karane lage. hamare bich sammohan shakti, hipnotijma kee bat chal padi. mainne shekhi baghari ki main sammohan shaktiyan janata hoon. mainne dave ke sath kaha ki main sath sekend ke bhitar kamare men kisi ko bhi hipnotaij kar sakata hoon. main itane aatm vishvas ke sath bat kar raha tha ki sabako mujh par yakeen ho gaya. lekin edana ne vishvas nahin kiya.

vah hansi,"kya bakavas hai? mujhe koee hipnotaij kar hi nahin sakata."

"tum," mainne kaha,"ekadam sahi vyakti ho. main tumase das dolar kee shart bad kar kahata hoon ki main tumhen sath sekend ke bhitar sula doonga."

"thik hai," edana ne kaha, "to lag gayi sharta"

"ab ek bat sun lo. agar bad men tumhari tabiyat kharab ho gayi to isake lie mujhe dosh mat dena. han, main jo kuchh karoonga, bahut jyada gambhir nahin hoga."

mainne is bat kee bharapoor koshish kee ki vah pichhe hat jaye lekin vah apani bat par dati rahi. ek mahila ne usake aage hath-pair jode ki vah ye sab n karane de,"tum to ek dam moorakha ho," kaha usane.

"shart abhi bhi apani jagah par hai." edana ne shanti se kaha.

"thik hai," mainne javab diya,"main chahata hoon ki tum sabase alag, apani pith divar se achchhi tarah se sata kar khadi ho jao taki mujhe tumhara poora ka poora dhyan mile."

usane nakali hansi hansate hue meri bat man li. ab tak kamare men maujood sabhi log isamen dilachaspi lene lage the.

"koee ghadi par nigah rakhe." mainne kaha.

"yad rakhana," edana ne kaha, "aap mujhe sath sekend ke bhitar sula dene vale hain."

"sath sekend ke bhitar tum ek dam behosh ho jaogi." mainne javab diya.

"shuroo," taim keepar ne kaha

turant hi mainne do-tin dramaee harakaten keen, usakee aankhon men ghoor-ghoor kar dekha, tab main usake chehare ke nikat gaya aur usake kanon men fusafusaya taki doosare log n sun saken,"jhooth mooth ka natak karo." aur mainne hava men hath laharaye, "tum behosh ho jaogi, behosh, behosh!!"

tab main apani jagah par vapis aaya aur vah ladakhadane lagi. turant hi mainne use apani bahon men tham liya. darshakon men se do chillaye.

"jaldi karo," mainne kaha, "ise divan par litane men koee meri madad kare."

jab use hosh aaya to usane hairani se charon taraf dekha aur kaha ki vah thakan mahasoos kar rahi hai.

halanki vah apana tark jit sakati thi aur sabhi upasthit logon ke samane apani bat siddh kar sakati thi fir bhi usane khushi-khushi apani jit ko har men badal jane diya. usakee is bat se main usaka murid ho gaya aur mujhe tasalli ho gayi ki usamen hasy bodh hai.

mainne nails men char komedi filmen banayin lekin choonki stoodiyo suvidhaen santoshajanak nahin thin, main apane aapako jama huaa ya santusht anubhav nahin karata tha. isalie mainne endarasan ko sujhav diya ki main los enjels chala jata hoon. vahan par unake pas komedi filmen banane ke lie behatar suvidhaen thin. ve sahamat ho gaye lekin ye sahamati ek doosare hi karan se thi. main stoodiyo par ekadhikar jamaye baitha tha jo ki tin kampaniyon ke layak bada ya paryapt roop se staf yukt nahin tha. isalie unhonne boyal haits par ek chhota-sa stoodiyo kiraye par lene ke lie batachit kee. ye stoodiyo los enjels ke bichon-bich tha.

jis vakt ham vahan par the, do yuva ladake, jo abhi karobar men bas, shuruaat kar hi rahe the, aaye aur stoodiyo kee jagah kiraye par le li. unake nam the hal roch aur harold loyad.

meri har nayi film ke sath jaise-jaise meri komedi filmon kee keemat badhati gayi, aisene ne apratyashit sharten lagani shuroo kar din aur vitarakon se meri do ril kee komedi ke lie har din ke lie kam se kam pachas dolar ka kiraya vasool karana shuroo kar diya. is tarah se ve meri pratyek film se agrim roop se pachas hazar dolar jama kar rahe the.

un dinon main stol hotal par main thahara huaa tha. ye ek thik-thak kiraye vala naya lekin aaram dayak hotal tha. ek sham mere kam se lautane ke bad, los enjels ekjaminar se mere lie ek zaroori telifon kol aaya. unhen nyoo yark se ek tar mila tha jise unhonne padh kar sunaya: nyoo yark hippodrom men har sham pandrah minat ke lie do saptah tak aa kar pradarshan karane ke lie charli chaiplin ko 25000 dolar denge. isase unake kam men badha nahin padegi.

mainne tatkal sain fransisko men ji em endarasan ko fon lagaya. der ho chukee thi aur main agali subah tin baje tak unase bat nahin kar paya. fon par hi mainne unhen tar ke bare men bataya aur poochha ki kya ve do hafte ke lie mujhe jane denge taki main 25000 dolar kama sakoon. mainne sujhav diya ki main nyoo yark jate samay tren men hi komedi banana shuroo kar sakata hoon aur vahan rahate hue use poora bhi kar loonga. lekin endarasan nahin chahate the ki main ye kam karoon.

mere bedaroom kee khidakee hotal ke bhitari hol kee taraf khulati thi isalie vahan par koee bhi bat kar raha hota to usakee aavaz sabhi kamaron men goonjati thi. telifon kanekshan achchhi tarah se kam nahin kar raha tha. main do hafte ke lie apane hath se pachchis hazar dolar nahin jane de sakata. ye bat mujhe kaee bar chilla kar kahani padi.

oopar ke kisi kamare kee khidakee khuli aur ek aavaz palat kar zor se chillayi, "dafa karo is haramajade ko aur so jao, badatamij kahin ke!!"

endarasan ne fon par bataya ki agar main aisene ko do ril kee ek aur komedi bana kar de doon to ve mujhe pachchis hazar dolar de denge. unhonne vada kiya ki agale hi din ve los enjels aa rahe hain aur karar kar lenge. jab mainne telifon par bat poori kar li to batti band karake sone ja hi raha tha ki mujhe vah aavaz yad aayi, main bistar se utha, khidakee kholi aur zor se chillaya, "bhad men jao!"

agale din endarasan pachchis hazar dolar ke sath los enjels aaye. nyoo yark kee mool kampani jisane yah prastav rakha tha, do hafte bad hi divaliya ho gayi. aisi thi meri kismat.

ab los enjels vapis laut kar main pahale se jyada khush tha. halanki boyal haits par bane hue stoodiyo ke aas-pas chhopad-pattiyan thin, vahan rahane se mujhe ek fayada se huaa ki main apane bhaee sidani ke aas-pas hi rah saka. main usase aksar sham ko mil leta. vah abhi bhi keeston men hi kam kar raha tha aur aisene ke sath mera karar khatm hone se ek mahina pahale usaka karar poora ho jata. meri safalata ka ye aalam tha ki sidani ye soch raha tha ki vah ab apana poora vakt mere karobari kamon men hi lagaye. riporton ke anusar, meri lokapriyata aane vali pratyek komedi film ke sath badhati hi ja rahi thi. halanki los enjels men sinema holon ke bahar lagane vali lambi-lambi kataron ko dekh kar main apani safalata kee sima kee bare men janata tha, main is bat ko mahasoos nahin kar paya ki bakee jagah meri safalata kitani badhi hai. nyoo yark men mere charitra, kailektar ke khilaune aur moortiyan sabhi dipartament storon aur dragastoron men bik rahe the. jigafeld ladakiyan charli chaiplin git ga rahi thin aur apane khoobasoorat cheharon par charlinuma moochhen laga kar, darbi hait laga kar, bade joote aur baigi paint pahan kar apani khoobasoorati ka nash mar rahi thin. ve doz charli chaiplin fit git ga rahi thin.

hamare pas har tarah ke karobari prastavon ka tanta laga rahata. inamen kitabon, kapadon, momabattiyon, khilaunon, sigaret aur toothapest jaisi chijon ke prastav hote. isake alava prashansakon kee dak ke lagane vale ambar ek aur hi pareshani khadi kar rahe the. sidani kee zid thi ki bhale hi ek aur sachiv rakhane ka kharch uthana pade, sabhi khaton ka javab diya jana chahiye.

sidani ne endarasan sahab se is bare men bat kee ki meri filmon ko rootin filmon se alag se becha jaye. ye thik nahin lagata tha ki sara ka sara paisa vitarakon kee hi jeb men jaye. halanki aisene vale meri filmon kee saikadon pratiyan bana kar bech rahe the, ye filmen vitaran ke purane dharre par hi bechi ja rahi thin. sidani ne sujhav diya ki baithane kee kshamata ke anusar bade thiyetaron ke lie dam badhaye jane chahiye. is yojana ko lagoo kiya jata to harek film se aane vali rakam ek lakh dolar ya usase bhi jyada badh sakati thi. endarasan sahab ko ye yojana asanbhav lagi. unhen ye yojana poore moshan pikchars trast kee nitiyon ke khilaf morcha bandhane jaisi lagi. is trast men solah hazar thiyetar the. filmen kharidane ke unake niyam aur tarike badale nahin ja sakate the. kuchh hi vitarak aisi sharton par filmen kharid pate.

bad men pata chala ki aisene ne bikri ka apana purana tarika chhod diya hai aur jaisa ki sidani se sujhav diya tha, ab ve thiyetar kee baithane kee kshamata ke anusar apani daren badha rahe the. isase, jaisa ki sidani ne kaha tha, meri pratyek komedi film ke lie aane vali rakam ek lakh dolar ho gayi. is khabar se mere kan khade ho gaye. mujhe hafte ke sirf barah sau pachas dolar hi mil rahe the aur main likhane, abhinay karane aur nirdeshan karane ka sara kam kar raha tha. mainne shikayat karana shuroo kar diya ki main bahut jyada kam kar raha hoon aur mujhe film banane ke lie thode aur samay kee zaroorat hai. mere pas ek baras ka karar tha aur main har do ya tin hafte men komedi film bana kar de raha tha. jald hi shikago men spooar sahab harakat men aaye. ve los enjels ke lie tren men savar hue aur ek atirikt chugge ke roop men yah karar kiya ki ab mujhe har film ke lie das hazar dolar ka bonas mila karega. isase meri sehat ko kuchh khurak mili.

lagabhag isi samay di dablyoo grifith ne apani epik film d barth aof e neshan banayi jisane unhen chalachitr sinema ke utkrisht nirdeshak ke roop men sthapit kar diya. isamen koee shak nahin tha ki ve mook sinema ke betaj badashah the. halanki unake kam men atinatakeeyata hoti thi aur kaee bar simaon se bahar aur asangat bhi, lekin grifith kee filmon men maulikata kee chhap hoti thi jisakee vazah se har aadami ko unakee film dekhani hoti.

de mile ne apane kairiyar kee shuruaat d vhispiring koras aur karamain ke ek sanskaran se kee thi lekin apane mel end fimel ke bad unaka kam kabhi bhi choli ke pichhe kya hai, se aage nahin ja saka. isake bavazood main unakee karamain se itana jyada prabhavit tha ki mainne is par do ril kee ek prahasan film banayi thi. ye aisene ke sath meri aakhiri film thi. jab mainne aisene ko chhod diya tha to unhonne sari kataranon ko jod-jad kar use char ril kee film bana diya tha. isase main buri tarah se aahat ho gaya aur do din tak bistar par pada raha. halanki unakee ye karatoot beeemani bhari thi, fir bhi mera ye bhala kar gayi ki usake bad mainne apane sabhi kararon men ye shart dalavani shuroo kar di ki mere poore kiye gaye kam men kisi bhi kism kee koee kat-chhant, use badhana ya usamen chhed-chhad karana nahin chalega.

mere karar ke khatm hone ka samay nikat aa raha tha, tabhi spooar sahab kost par mere pas ek prastav le kar aaye. unaka kahana tha ki is prastav ka koee mukabala nahin kar sakata. agar main unhen do-do ril kee barah filmen bana kar doon to ve mujhe sadhe tin lakh dolar denge. film nirman ka kharch ve uthayenge. mainne unhen bataya ki kisi bhi karar par hastakshar karane se pahale main chahoonga ki dedh lakh dolar ka bonas pahale rakh diya jaye. is bat ne spooar sahab ke sath kisi bhi kism kee batachit par viram laga diya.
bhavishy! bhavishy!! shanadar bhavishy!! kahan le ja raha tha bhavishy!!! sanbhavanaen pagal kar dene vali thin. kisi him skhalan kee tarah paisa aur safalata har din aur tej gati se baras rahe the. ye sab pagal kar dene vala, darane vala tha lekin tha hairan kar dene vala.

jis vakt sidani nyoo yark men alag-alag prastavon kee samiksha kar raha tha, main karamain film ka nirman poora karane men laga huaa tha aur santa monika men samudr kee taraf khulane vale ek ghar men rah raha tha. kisi-kisi sham main santa monika tatabandh doosare sire par bane nat gudavin ke kaife men khana kha liya karata tha. nat gudavin ko amerik manch ka mahanatam abhineta aur halkee fulkee komedi karane vala kalakar samajha jata tha. sheksapiyar kal ke abhineta aur aadhunik halke-fulke komedi kalakar, donon hi roopon men unaka bahut hi shanadar kairiyar raha tha. ve sar henari irving ke khas dost the aur unhonne aath shadiyan kee thin. unakee pratyek patni apane saundary ke lie prasiddh hoti. unakee panchavin patni maiksin iliyat thi jise ve tarang men aa kar "roman sinetara" kah kar pukarate the. "lekin vah vakaee khoobasoorat aur behad buddhimati thi," ve bataya karate. ve bahut sahaj susanskrit vyakti the aur apane vakt se kaee baras aage the. unamen gahara hasy bodh tha aur ab unhonne sab-kuchh chhod-chhad diya tha. halanki mainne unhen manch par kabhi abhinay karate hue nahin dekha tha, main unaka aur unakee pratishtha ka bahut samman karata tha.

ham bahut achchhe dost ban gaye aur patajhad ke dinon kee thithurati shamen ek sath sunasan samandar ke kinare chahalakadami karate hue guzarate. nichat udasi bhara mahaul saghan ho kar meri bhitari uttejana ko aalokit kar deta. jab unhen pata chala ki main apani film poori karake nyoo yark ja raha hoon to unhonne mujhe bahut hi shanadar salah di. "tumane aashatit safalata payi hai. aur agar tum janate ho ki kis tarah se apane aap se nipatana hai to tumhare samane ek bahut hi shanadar zindagi tumhari rah dekh rahi hai. jab tum nyoo yark pahuncho to brodave se pare hi rahana. janata kee nigahon se door-door bane raho. kaee safal abhineta yahi karate hain ki vah dekha jana aur tarif kiya jana chahate hain. isase unake bhram hi tootate hain." unakee aavaz gahari aur goonj liye hue thi, "tumhen har kahin bulaya jayega," unhonne kahana jari rakha,"lekin sabhi nyaute svikar mat karo. sirf ek ya do dost chunon aur bakee ke bare men kalpana karake hi santusht ho jao. kaee mahan abhinetaon ne har tarah ke samajik nimantran svikar karane kee galati kee hai. jon driyoo ne bhi yahi galati kee thi. ve samajik dayaron men bahut lokapriy the aur unake gharon men chale jaya karate the lekin log the ki unake thiyetaron men nahin jate the. jon driyoo unhen unake draingaroom men hi mil jate the. tumane duniya ko apani mutthi men kar rakha hai aur tum aisa karana jari rakh sakate ho agar tum isase bahar khade raho." unhonne vicharon men khoye hue kaha.

ye bahut hi shanadar baten hotin. kabhi kabhi udas kar dene vali. ham ujad samudr tat par patajhad ke dinon men godhooli kee vela men chalate baten karate rahate. nat apane kairiyar kee antim payadan par the aur main apana kairiyar shuroo kar raha tha.

jab mainne karamain ka sanpadan poora kar liya to mainne fatafat apana thoda bahut saman sameta aur apane dresing room se sidhe hi steshan kee taraf lapaka taki nyoo yark ke lie chh: baje kee tren pakad sakoon. mainne sidani ko ek tar bhej diya ki main kab chaloonga aur kab pahunchoonga.

ye dhimi gati vali gadi thi aur nyoo yark pahunchane men panch din lagati thi. main ek khule kampartament men akela baitha huaa tha. un dinon mere komedi mek ap ke bina mujhe pahachana nahin ja sakata tha. ham amarilo, taiksas, hote hue dakshini root se ja rahe the. gadi vahan sham ko sat baje pahunchati thi. mainne dadhi banane ka faisala kiya lekin mujhase pahale hi vasharoom men doosare musafir chale gaye the, isalie main intazar kar raha tha. natija ye huaa ki gadi jab amarile pahunchane ko thi, main abhi bhi apana andaraviyar hi pahane tha. jaise-jaise gadi ne steshan men pravesh kiya, hamen achanak shor sharabe bhari uttejana ne gher liya. vasharoom kee khidakee se jhankate hue mainne dekha ki steshan par beintaha bhid juti huee hai. charon taraf, ek khanbe se doosare khambe tak jhandiyan aur patakaen lahara rahi thin. pletafarm par kaee lambi mejen lagi huee thin jin par nashta saja huaa tha. mainne socha, kisi sthaniy raja ke svagat ya vidaee ke lie ye sara tam-jham ho raha hoga. mainne apane chehare par krim lagani shuroo kee. lekin uttejana thi ki badhati hi ja rahi thi. aur fir spasht aavazen aani lagin,"kahan hain ve?", tabhi dibbe men bhagadad mach gayi. galiyare men log-bag shor machate hue aage se pichhe aur pichhe se aage bhage ja rahe the.

"kahan hai ve?, charli chaiplin kahan hain?"

"ji kahiye!," mainne kaha.

"amarilo, taiksas ke meyar kee or se tatha aapake sabhi prashansakon kee or se ham aapako aamantrit karate hain ki aap hamare sath ek kold drink aur nashta len."

mujhe achanak hadabadahat kee bhavana ne gher liya.

"main is halat men kaise ja sakata hoon?" mainne sheving krim ke pichhe se kaha.

"oh, aap kisi bhi bat kee paravah n karen. charli, bas dresing gaun dal len aur janata se mil len."
jaldi jaldi men mainne apana chehara dhoya aur adh shev kee halat men kamij aur taee dali aur apane kot ke batan band karata huaa tren se bahar aaya.

taliyon kee gadagadahat se mera svagat kiya gaya. meyar sahab ne kahane kee koshish kee: "mistar chaiplin, amarilo ke aapake prashansakon kee or se . . .", lekin lagatar taliyon aur ho-halle ke bich unakee aavaz doob gayi. unhonne ek bar fir se bolana shuroo kiya, "mistar chaiplin, amarilo ke aapake prashansakon kee or se main ..." tab bhid ne aage kee taraf dhakka lagaya aur meyar mere oopar aa gire, aur ham donon hi tren se ja takaraye. aur ek pal ke lie halat ye ho gayi ki svagat bhashan gaya tel lene, pahale khud kee jan bachayi jaye.

"pichhe hato," bhid ko pichhe dhakelate hue aur hamare lie rasta banate hue pulis vale chillaye.

poore samaroh ke lie hi meyar sahab ke utsah par pani fir chuka tha aur pulis tatha mere prati thodi chidachidahat ke sath ve bole, "thik hai charli, pahale ham ye sab khana pina hi nipata len, fir aap apani tren men savar ho jana."

mejon par dhakka-mukkee ke bad chijen thodi shant hueen aur aakhirakar meyar sahab apana bhashan dene men safal hue. unhonne mej par chammach thakathakayi aur bole,"mistar chaiplin, amarilo, taiksas ke aapake mitr us khushi ke lie aapake prati apana aabhar prakat karana chahate hain jo aapane unhen unakee taraf se saindavich aur kola kola kee ye davat svikar karake unhen di hai."

apana prashasti gan poora kar lene ke bad unhonne mujhase poochha ki kya main kuchh kahana chahoonga. unhonne mujhase aagrah kiya ki main mej par hi chadh jaoon. mej par chadh kar main is aashay ke kuchh shabd budabudaya ki main amarilo men aa kar behad khush hoon aur is aashcharyajanak, romanchak svagat pa kar bahut hairan hoon aur main ise apani bakee kee zidagi ke lie yad rakhoonga. vagairah vagairah. tab main baith gaya aur meyar se bat karane kee koshish karane laga.

mainne unase poochha ki aakhir unhen mere aagaman ka pata hi kaise chala.

"tailigraf aoparetar ke jariye," unhonne bataya, unhonne spasht kiya ki mainne jo tar sidani ko bheja tha, vah amarilo se rile ho kar gaya tha isake bad kainsas siti, shikago aur nyoo yark gaya tha vah tar. aur aoparetaron ne ye khabar pres ko de di thi.

jab main tren men lauta to apani sit par ja kar vinamrata kee moorti ban kar baith gaya. ek pal ke lie mera dimag ekadam sunn ho gaya tha. tabhi poora ka poora dibba hi logon kee aava-jahi se gulazar ho utha. log galiyare se guzarate, meri taraf ghoor kar dekhate aur khinse niporate. jo kuchh amarilo men ho gaya tha use n to main manasik roop se pacha hi pa raha tha aur n hi dhang se usaka aanand hi le paya tha. main behad uttejit tha. main tanav men baitha raha. ek hi vakt men apane aap ko oopar aur hatash mahasoos karate hue.

tren ke chhootane se pahale mujhe kaee tar thama diye gaye the. ek men likha tha,"svagat charli, ham kansas siti men aapakee rah dekh rahe hain." doosara tha: "jab aap shikago pahunchenge to ek limojin aapakee seva men hazir hogi taki aap ek steshan se doosare steshan par ja saken." tisare tar men likha tha: "kya aap rat bhar ke lie thaharenge aur blaikaston hotal ke mehaman banenge!!" jaise jaise ham kainsas siti ke nikat pahunchate gaye, rel kee patariyon ke donon taraf log khade the aur shor machate hue apane hait hila rahe the.

kainsas siti ka bada-sa relave steshan logon ke hujoom se ata pada tha. bahar jama ho rahi aur bhid ko kaboo men pane men pulis ko mushkil ka samana karana pad raha th. tren ke sahare ek nasaini laga di gayi thi taki main tren kee chhat par chadh sakoon aur sabako apana chehara dikha sakoon. mainne apane aapako vahi shabd doharate hue suna jo main amarilo men bol kar aaya tha. mere lie aur tar intazar kar rahe the: "kya main skoolon aur sansthaon men jaoonga!!" mainne sare tar apane sootakes men thoons liye taki nyoo yark men unaka javab diya ja sake. kansas siti se le kar shikago ke raste men bhi log vaise hi rel jankshanon par aur kheton men khade the aur jab unake samane se tren guzarati to hath hilate. main bina kisi poorvagrah ke is sabaka aanand lena chahata tha lekin main yahi sochata raha ki duniya jo hai pagal ho gayi hai. agar kuchh svang bhari komedi filmen is tarah kee uttejana jaga sakati hain to kya sari khyati ke bare men kuchh aisa nahin tha jo nakali tha. mainne hamesha socha tha ki janata meri taraf dhyan de to mujhe achchha lagega aur ab jab janata mujhe sir aankhon par bitha rahi thi to mujhe akelepan kee hatash karane vali bhavana ka sath mujhe alag-thalag karati ja rahi thi.

shikago men jahan par tren aur steshan badalana zaroori tha, bahar jane ke raste par bhid juti huee thi aur mujhe dhakel kar ek limojin men bitha diya gaya. mujhe blaikaston steshan le jaya gaya aur nyoo yark ke lie agali tren pakadane tak aaram karane ke lie ek suit de diya gaya.

blaikaston hotal men nyoo yark ke pulis pramukh kee taraf se ek tar aaya jisamen mujhase anurodh kiya gaya tha ki main un par ye ahasan karoon ki tay shuda karyakram ke anusar graind sentral steshan par utarane ke bajaye 125vin strit par hi utar jaoon kyonki vahan aapake aane kee ummid men abhi se bhid jutani shuroo ho gayi hai.

125vin strit par sidani ek limojin le kar mujhe lene aaya tha. vah tanav aur uttejana men tha. vah fusafusaya,"kya khyal hai is sabake bare men. steshan par subah se logon kee bhid umadani shuroo ho gayi hai. aur jab se tum los enjels se chale ho, pres rozana buletin jari kar rahi hai." usane mujhe ek akhabar dikhaya jisamen bade bade fant men likha tha, "vo yahan hai!!"

doosari haid lain thi: "charli chhupate fir rahe hain."

hotal jate samay raste men usane bataya ki usane myuchooal film karporeshan ke sath ek sauda kiya hai jisamen mujhe chh: lakh sattar hazar dolar milenge aur ye mujhe das hazar dolar prati saptah ke hisab se diye jayenge aur bime ka test pas kar lene ke bad mujhe karar ke lie saining rashi ke roop men pandrah lakh dolar diye jayenge.

vakeel ke sath usakee ek lanch miting thi jisamen use bakee sara din lag jane vala tha. isalie vah mujhe plaza men, jahan usane mere lie ek kamara buk karava rakha tha, chhodane ke bad chala jayega aur mujhase agali subah milega.

jaisa ki hemalet kahata hai: "ab main akela hoon!!" us dopahar main galiyon men bhatakata raha aur dukanon kee khidakiyon men dekhata raha, aur bevajah galiyon ke nukkadon par rukata raha. ab mera kya hoga. yahan main tha apane kairiyar ke shikhar par. ekadam chust durust kapadon men, aur mere pas koee jagah nahin thi jahan main jata. logon se, rochak logon se koee kaise milata hai!!

mujhe aisa laga ki har koee mujhe janata hai lekin main kisi ko bhi nahin janata tha. main antarmukhi ho gaya. apane aap par daya aane lagi aur mujh par udasi tari hone lagi.

mujhe yad hai ek bar keeston ke ek safal komediyan ne kaha tha,"aur ab choonki ham pahunch chuke hain, charli, ye sab kya hai."

"kahan pahunche hain?" mainne poochha tha.

mujhe nat gudavin kee salah yad aayi,"brodave se door hi rahana." jahan tak mera saval hai, brodave mere lie registan hai. mainne un purane doston ke bare men socha jinhen main safalata ke is bhavy shikhar par milana chahoonga. kya mere purane dost the nyoo yark men ya landan men ya kahin bhi. main kisi khas dost se milana chahata tha. shayad keli haitti se. main jab se filmon men aaya tha, mainne usake bare men nahin suna tha. usakee pratikriya mazedar hoti.

us vakt vah nyoo yark men apani bahan ke pas rah rahi thi. misej fraink gold. main fifth evenyoo tak chal kar gaya. usakee bahan ka pata tha - 834. main ghar ke bahar ek pal ke lie thithaka. hairan ho kar sochata raha ki vah vahan hogi ya nahin lekin main daravaja khatakhatane kee himmat nahin juta paya. shayad vah khud bahar aa jaye aur main achanak hi use mil jaoon. main vahan par lagabhag aadha ghante tak intazar karata raha, gali ke chakkar katata raha lekin koee bahar nahin aaya aur n hi koee andar hi gaya.

main kolambas sarkal par chailds restaran men chala gaya aur aate ke kek aur kofi ka aardar diya. mujhe laparavahi bhare andaj men sarv kiya gaya. tab mainne vetar ko makkhan kee ek aur tikiya ke lie aardar de diya. tabhi usane mujhe pahachan liya. usake bad to bas chen riekshan shuroo ho gaya aur bhitar tatha bahar khoob bhid jut aayi. bhid men se kisi tarah se apane lie rasta banana pada aur vahan se jati ek taiksi le kar gayab ho jana pada.

do din tak main bina kisi se parichit se mile nyoo yark men bhatakata raha. main khushagavar uttejana aur hatasha ke bich doob utara raha tha. is bich bima doktar ne meri janch kar li thi. kuchh din bad sidani hotal men aaya. vah khushi se foola nahin sama raha tha,"sab kuchh tay ho gaya hai. tumane bima test pas kar liya hai."

isake bad shuroo hueen karar par hastakshar karane kee aupacharikataen. dedh lakh ka chek lete hue mere foto liye gaye. us sham main taims skvayar men bhid ke bich khada tha jab taims bilding par ilaiktrik sain par khabar aa rahi thi - "chaiplin ne myuchooal ke sath 670000 dolar salana par karar kiya."

main khada dekhata raha aur ise vastuparak ho kar padhata raha mano ye sab kisi aur ke lie ho. mujh par itana kuchh bit chuka tha ki meri sanvedanaen chuk gayi thin.

Å'Å'Å'Å'

baraha

akelapan ghinauna hota hai. isamen udasi ka halka sa ghera hota hai, aakarshit kar pane ya ruchi jaga pane kee aparyaptata hoti hai isamen. kaee bar aadami isakee vazah se thoda sharminda bhi hota hai. lekin kuchh had tak akelapan har aadami ke lie thim kee tarah hota hai. alabatta, mera akelapan kunthit karane vala tha kyonki main dosti karane kee sari zarooraten poori karata tha. main yuva tha, amir tha aur badi hasti tha. isake bavazood main nyoo yark men akela aur pareshan hal ghoom raha tha. mujhe yad hai main angrezi sangit jagat kee komedi star, khoobasoorat josi kolins se us vakt achanak hi mil gaya tha jab vah fifth evenyoo par chali ja rahi thi.

"oh," usane sahanubhooti poorn tarike se kaha,"aap akele kya kar rahe hain?"

mujhe aisa laga mano mujhe kuchh pyara sa aparadh karate hue pakad liya gaya ho. main muskuraya aur bola,"main to bas, zara doston ke sath lanch karane ke lie ja raha tha," lekin kash, mainne usase sach kah diya hota ki main tanha hoon aur use lanch par le jana mujhe achchha lagata, sirf mere sankoch ne hi mujhe aisa karane se roka.

usi dopahar ko main maitropolitan opera haus ke pas hi chahal kadami kar raha tha ki main devid belasko ke damad moris gest se ja takaraya. main moris se los enjels men mil chuka tha. usane apane kairiyar kee shuruaat tikat blaikee ke roop men kee thi. ye dhandha us vakt bahut fal fool raha tha jab main pahali bar nyoo yark aaya tha. (tikat blaikee vah aadami hota hai jo thiyetar men sabase achchhi siten pahale kharid kar rakh leta hai aur bad men thiyetar ke bahar khada ho kar fayade men bechata hai.) moris ne thiyetar ke dhandhe men aashatit safalata hasil kee thi. isaka sarvochch bindu tha usake dvara banayi gayi d miraikal jisaka nirdeshan maiks renahardt ne kiya tha. moris slavik tha. chehara usaka pila, aur badi badi kanche jaisi aankhen, bada sa munh, aur mote honth? vah aoskar vaild ka bhadda sanskaran nazar aata tha. vah bahut hi bhavuk kis‍m ka aadami tha jo jab bolata tha to aisa lagata tha mano aapako dhamaka raha ho.

"aap kahan gayab ho gaye the shreeman," isase pahale ki main javab de pata, vah aage bola, "aapane mujhe sampark kyon nahin kiya?"

"mainne use bataya ki main to bas, zara chahalakadami kar raha hoon."

"kya bat hai. aapako akele nahin hona chahiye. aap ja kahan rahe hain?"

"kahin nahin," mainne dabboopan ke sath kaha,"bas, zara saf hava le raha tha."

"aao bhi," usane mujhe apani disha men modate hue aur apani banh se meri banh ko gherate hue kaha. ab mere pas bachane ka koee upay nahin tha, "main aapako asali logon se milavaoonga. aise log jinamen aapako ghulana milana chahiye."

"ham kahan ja rahe hain?" mainne chintatur ho kar poochha.

"aap mere dost karooso se milane ja rahe hain." kaha usane.

meri sare pratirodh bekar gaye.

"aaj karamain ka maitini sho chal raha hai. usamen karooso aur geraldin farar hain."

"lekin main . ."

"bhagavan ke lie, aap daro nahin, karooso bahut hi shanadar aadami hain. aapakee hi tarah sidhe sade aur insaniyat se bhare hue. aapako dekh kar ve khushi ke mare jhoom uthenge. ve aapakee tasvir lenge aur bhi bahut kuchh karenge."

mainne use batana chaha ki main tahalana aur thodi der taza hava lena chahata hoon.

"is mulakat se aapako taza hava se bhi jyada aanand milega."

mainne paya ki mujhe maitropolitan aopera kee lobi men se thel kar le jaya ja raha hai. ham donon galiyare men se do khali siton par ja baithe.

"yahan baithiye," gest fusafusaya, "main intaraval men laut aaoonga." tab vah khada huaa aur gayab hi ho gaya.

mainne karamain ka sangit kaee bar suna tha lekin ab jo kuchh baj raha tha, aparichit sa laga. mainne apane karyakram patrak kee taraf dekha, aur aaj ke din ke lie karamain kee hi ghoshana kee gayi thi. lekin ve kuchh doosari hi chiz baja rahe the. vah bhi mujhe parichit si hi lag rahi thi aur kuchh kuchh rigaleto kee tarah lag rahi thi. main bhram men pad gaya. ank kee samapti se do minat pahale gest chupake se mere sath vali sit par laut aaya.

"kya ye karamain hai?" main fusafusaya.

"han," usane javab diya, "kya aapake pas karyakram nahin hai?"

usane mujhase karyakram chhina, "han," vah fusafusaya,"karooso aur geraldin farar, budhavar, maitini sho, karamain, ye raha."

parada niche gira aur vah mujhe liye diye siton ke bich men se bagal vale daravaje se manch ke pichhe kee taraf le chala.

bina aavaz ke booton men aadami log sin sinari ko usi tarah se shift kar rahe the jis tarah se mujhe hamesha lagati rahi. vahan ka mahaul kisi dukhadayi svapn kee tarah tha. isamen se nukeeli dadhi vala, aur jasoosi kutte jaisi aankhon vala ek lamba, chharahara shant aur ganbhir aadami vahan khada tha. usane mujhe ek oonchaee se dekha. vah manch ke bichon bich khada tha. pareshan hal. usake pas se ek sinari aa rahi thi aur doosari ja rahi thi.

"mere achchhe dost signor gati kasaza kaise hain?" apana hath badhate hue gest ne kaha.

gati kasaza ne hath milaya aur ek udas mudra banayi aur kuchh budabudaye. tab gest meri taraf muda,"aapaka kahana sahi tha, ye karamain nahin hai, rigoleto hai. antim palon men geraldin farar ne fon karake bataya ki use jukam hai isalie nahin aa payegi. ye charli chaiplin hain," usane kaha,"main inhen karooso se milavane ke lie le ja raha hoon. ho sakata hai, inaka ji bahal jaye. aaiye hamare sath." lekin gati kasaza ne afasos ke sath apana sir hilaya.

"unaka dresing room kis taraf hai?"

gati kasaza ne stej mainejar ko bulavaya aur kaha,"ye aapako bata dega."

meri chhathi indriy ne mujhe sachet kiya ki karooso ko is vakt distarb n kiya jaye, aur ye bat mainne gest ko batayi.

"pagal mat bano," usane javab diya.

hamane paisej men se unake dresing room ke lie chale.

"kisi ne batti bujha di hai," stej mainejar ne kaha,"ek pal ke lie rukiye, main svich talashata hoon.

"suno," gest ne kaha,"kuchh log mera intazar kar rahe hain, isalie mujhe nikalana hoga."

"tum mujhe chhod kar mat jao." main jaldi se bola.
"aapako kuchh nahin hoga."

main javab hi de pata, isase pahale hi vah gayab ho gaya. stej mainejar ne ek tili jalaee. "ham pahunch gaye hain," kaha usane, aur dhire se daravaja thakathakaya. bhitar se itavali men zor se kuchh kaha gaya.

mere dost ne italavi men hi javab diya. javab ke aakhir men "charli chaiplina" kaha gaya.

ek aur dhamaka.
"suno," main fusafusaya, "fir kabhi sahi."

"nahin, nahin," usane kaha, ab use ek mishan poora karana tha. daravaja chin kee aavaj ke sath khula aur andhere men se dresar ne jhanka. mere dost ne pareshani bhare svar men bataya ki main kaun hoon.

"oh," dresar ne kaha, aur daravaja fir band kar diya. daravaja fir se khula, "bhitar aaiye."

is chhoti si vijay se mere dost ka sina chauda ho gaya. jab ham bhitar pahunche to karooso apani dresing tebal par ek shishe ke samane baithe apani moonchhe kutar rahe the. hamari taraf unakee pith thi.

"aha mahashay," mere dost ne ullasit hote hue kaha,"ye mere lie param saubhagy kee bat hai shreeman, ki main aapake samane sinema ke karooso, mistar charli chaiplin ko pras‍tut kar raha hoon."

karooso ne darpan men sir hilaya aur moonchhe kutarate rahe.

aakhirakar ve uthe aur apani belt kasate hue oopar se niche tak mera muaaina kiya.

"aap to bahut safal aadami hain, nahin kya, khoob paisa kamaya hoga."

"han," main muskuraya.

"aap to bahut hi khush aadami honge."

"han, beshak," tab mainne stej mainejar kee taraf dekha to ve ullasit ho kar ye sanket dete hue bole ki jane ka samay ho gaya hai.

main khada huaa aur tab karooso par muskuraya,"main toredor drishy mis nahin karana chahata."

"vo karamain hai. ye rigoleto hai." mujhase hath milate hue ve bole.

"oh, han han han ji han."

mainne paristhitiyon men jitana sanbhav tha, nyoo yark ko apane bhitar utar liya tha aur ye socha ki isase pahale ki khushiyon ke mele ka rang fika hona shuroo ho, yahan se kooch kar dena hi behatar hoga. isake alava, meri chinta apane naye karar ke antargat kam shuroo karane kee bhi thi.

jab main los enjels lauta to main fifth strit aur men par elekjendriya hotal men thahara. ye us vakt shahar ka sabase jyada thath bath vala hotal huaa karata tha. ye bhavy anlakaran shaili vala hotal tha. lobi men lage sangamaramar ke stambh, aur kristal ke jhad fanoos usakee shobha men char chand lagate the. lobi ke bichon bich das lakh dolar ka shanadar kalin bichha huaa tha. ise bade bade filmi saudon ka makka madina kaha jata tha. isaka ye nam mazak men hi pad gaya tha kyonki yahan par shekhi bagharane vale aur aadhe adhoore promotar vahan par khade ho kar lakhon karodon dolar se kam kee to bat hi n karate.

isake bavajood, abrahamasan ne isi kalin par apani kismat ka sitara buland kiya tha. vah stoodiyo kiraye par le kar aur berozagar kalakaron ko kam dhandhe par rakh kar saste men filmen banata tha aur un sasti stet rait pikcharon ko becha karata tha. is tarah kee filmon ko chavanni chhap darshakon kee, pavarti ro vali filmen kaha jata tha. svargiy hairi kon, kolambiya pikchars ke adhyaksh bhi in chavanni chhap filmon men nazar aaya karate the.

abrahamasan yatharthavadi aadami the. ve is bat ko svikar karate the ki ve is kisi kala vala men nahin, sirf dhan kamane men dilachaspi rakhate hain. ve bhari roosi lahaje men bolate the aur jis vakt apani filmon ka nirdeshan kar rahe hote, ve mukhy abhinetree par chillate, "thik hai, pichchhe kee taraf se aagge kee taraf aao. abb shishe ke samane aavo, aur apane aap ko dekkho. oh, aise nahin ji, abb aap bis fut tak idhar udhar chalo. (matalab masti se, bis fit film ke chalane tak)." aam taur par unakee nayika bhare bhare sine vali chhappan chhuri marka koee yuva ladakee hoti aur usane dhila sa khule gale kee koee poshak pahani hoti aur bharapoor ang pradarshan karati. vah nayika se kahata ki kaimare kee taraf dekkho, niche jhukko aur apane tasmen bandho, ya jhoola jhoolo, ya kutte ko sahalao. matalab, kisi n kisi tarah sine ke ubhar dikhao. isi tarike se abrahamasan ne karodon dolar pite.

das lakh vala ye kalin sid graumain ko sain fransisko se yahan tak laya taki ve apani los enjels kee das lakh dolar kee bilding ka sauda kar saken. jaise jaise shahar sampann hota gaya, ve bhi sampann hote chale gaye. unhen anokhe prachar ka bahut shauk tha. ek bar unhonne los enjels ko hairan hi kar diya tha. unhonne do taiksiyan kiraye par lin. taiksiyan sadakon par daudane lagin aur unamen baithe hue savar khali karatooson se ek doosare par goliyan chalane ka natak karate rahe. taiksiyon ke pichhe ishtahar lage hue the jin par likha tha, graumain kee miliyan dolar thiyetar kee aaparadhik duniya.

ve nayi nayi shoshe‍bajiyan khojane aur karane men mahir the. sid ka ek adbhut aaidiya ye tha ki apane chini thiyetar ke bahar gile siment par holivud ke sitaron ke hathon tatha pairon ke nishan ankit karaye jayen, kuchh karanon se sitaron ne nishan diye bhi. bad men ye aoskar pane jaisa samman pane kee mahattvapoorn bat ho gayi thi.

jis din main elekjendriya hotal pahuncha, hotal ke desk klark ne mujhe vikhyat abhinetree, mis maude fili kee or se ek khat diya. ve sar henari irving aur viliyam jilet kee pramukh adakara rah chukee thin. unhonne mujhe budhavar ko holivud hotal men pavalova ke samman men diye jane vale dinar men aamantrit kiya tha. beshak main nimantran pa kar aahladit tha. halanki main kabhi mis fili se mila nahin tha, mainne poore landan men unake postakard dekhe the aur unake saundary ka prashansak tha.

dinar se ek din pahale mainne apane sachiv se kaha ki vah fon karake poochh le ki ye parti anaupacharik hai ya main kali taee laga kar aaoon.

"kaun bat kar rahe hain?" mis fili ne poochha.

"main mistar chaiplin ka sachiv bol raha hoon aur budhavar kee sham ke unake aapake sath hone vale dinar ke bare men poochh raha hoon."

aisa laga ki mis fili satark ho gayin,"oh, nishchit hi anaupacharik." kaha unhonne.

mis fili holivud hotal kee porch men meri agavani karane ke lie maujood thin. ve hamesha kee tarah pyari lag rahi thin. ham aadhe ghante tak idhar udhar kee baten karate rahe. isake bad main hairan ho kar sochane laga ki bakee mehaman kab aayenge.

aakhirakar unhonne kaha,"ham chalen dinar ke lie chalen?"

meri hairani ka thikana n raha jab mainne daining hol men paya ki vahan par sirf ham do hi the.

aakarshak hone ke alava mis fili behad alag thalag rahane vali mahila thin. mez ke par unakee taraf dekhate hue main is bat ko le kar hairan hota raha ki is tarah kee mulakat ka makasad kya ho sakata hai. mere dimag men shararatapoorn aur gande khyal aane lage lekin aisa laga ki ve meri ashobhaniy atakalon par unaka koee dhyan nahin tha. isake bavajood mainne yah pata lagane ke lie apane kan khade kar liye ki mujhase aakhir ummid kya kee ja rahi hai.

"ye vakaee mazedar hai," mainne uttejana se kaha, "is tarah se aapake sath khana khana!"

ve saumyata se muskurayin.

"chalo, ham dinar ke bad kuchh mauj maza karen," kaha mainne,"chalo kisi nait klab men chalen ya aisa hi kuchh karen."

unake chehare par mamooli si alarm kee jhanee ubhari, aur ve hichakichayin,"mujhe dar hai ki mujhe aaj jaldi hi sone ke lie jana padega kyonki mujhe kal jaldi hi maikabeth kee riharsal shuroo karani hai."

mere kan khade hue. main poori tarah se hairan pareshan tha. sanyog se khane ka pahala kors aa gaya aur ham thodi der tak chupachap khate rahe. kuchh n kuchh jaroor gadabad hai, ye ham donon hi janate the. mis fili hichakichayin,"mujhe afasos hai ki aaj kee sham aapake lie bahut fikee rahi.

"nahin to, sham to bahut hi shanadar guzari."

"mujhe afasos hai ki aap tin mahine pahale us vakt yahan par nahin the jab mainne pavalova ke samman men ek dinar diya tha. mujhe pata hai ki ve aapake dost hain. lekin, mujhe aisa lagata hai ki us vakt aap yahan par nahin the."

"maf keejiye," mainne kaha, aur tapak se jeb se mis fili ka patr nikala. pahali bar mainne us par tarikh dekhi. tab mainne patr unhen thamaya, "dekhiye," main hansa,"main tin mahine deri se pahuncha hoon."

1910 men los enjels vestarn ke aguaa logon aur dhanakuberon ke yug ke ant ka samay tha aur unamen se adhikatar ne mera satkar kiya tha.

inamen se ek svargiy viliyam e klark the. ve karodapati asami the aur rel ke mahakame se jude the aur kopar king mane jate the. ve shaukiya sangitakar the jo filahoramoni aarkestra ko har baras 150000 dolar ka dan diya karate the. ve khud us aarkestra men bakee logon ke sath doosara vayalin bajaya karate the.

maut kee ghati vale skoti ek faintam charitr the jo hansamukh, mote se chehare vale aadami the. ve das gailan hait, lal kamiz, aur dangari pahana karate the. ve har rat spring strit men daroo ke addon aur nait klabon men hazaron dolar lutaya karate, partiyan dete, vetaron ko sau sau dolar kee tip diya karate aur fir achanak hi gayab ho jate fir ve mahinon bad vapis aate aur fir se partiyan dene lagate. aisa ve barason tak karate rahe. koee bhi nahin janata tha ki unake pas paise aate kahan se the. kuchh logon ka vishvas tha ki daith vaili men unakee koee gupt khadan thi. logon ne unaka pichha karane kee koshish kee lekin ve hamesha unhen vahan par chakama de dete aur aaj tak koee bhi unaka rahasy nahin jan paya hai. 1940 men unakee mrityu se pahale unhonne daith vaili men registan ke bichon bich ek bahut hi bhavy mahalanuma ghar banavaya tha. ye bahut hi shanadar imarat thi jisake banane men panch lakh dolar se bhi jyada lage the. aaj bhi ye imarat dhoop men khandahar si khadi hai.

pesadona kee misej kreney gaits char karod dolar kee haisiyat vali mahila thin jo ghanaghor samajavadi thin aur kaee arajakon, samajavadiyon aur indastriyal varkars aof d varld ke sadasyon kee kanooni suraksha ke lie dhan diya karati thin.

glen kartis un dinon senet ke lie kam kiya karate the aur havaee jahaj ke stant kiya karate the aur besabri se aaj jise get kartis eyarakraft indastrij kahate hain, usake lie betabi se vitt jutane ka kam dekha karate the.

e pi giyanini do chhote baink chalaya karate the. bad men ja kar ye yunaited stets ke sabase bade vittiy sansthanon men se ek, d baink aof amerika bane.

havard hyooj ko apane pita, aadhunik aayal dril ke aavishkarak se bahut badi sampada virasat men mili. havard eyarakraft udyog men chale gaye aur un lakhon dolaron ko karodon dolar men badala. ve sanakee aadami the jo apana karobar ek ghatiya se hotal ke kamare se telifon ke jariye chalaya karate the aur ve shayad hi kisi se milate the. ve moshan filmon men bhi hath aajamane aaye, aur hails enjels jaisi filmon se apar safalata hasil kee. is film ke nayak svargiy jin haralo the.

un dinon roz ke aanand uthane ke mere thiye hote the, vernan men jaik doyal kee shukravar kee rat kee kushtiyan dekhana, somavar kee raton ko aorafim thiyetar men rangarang karyakram dekhana, guruvar ke dinon men morosko stok kampani ke karyakram dekhana aur kabhi kabhar, kloons filaharmonik aoditoriyam men koee simfani sunana.

los enjels ka ethaletik klab ek aisa kendr tha jahan par sthaniy sampann varg aur karobari log kokatel ke samay ikatthe hote. ye jagah videshi basti kee tarah lagati.

ek naujavan jo bit bajata tha, launj men akele baitha rahata. usaka nam velantino tha aur vah holivud men apani kismat aajamane aaya tha lekin kuchh khas kar nahin pa raha tha. ek any bit pleyar jaik gilbart ne usase mera parichay karaya tha. usake bad mainne ekadh baras tak vailantino ko nahin dekha tha. is bich vah achanak star ban gaya tha. agali bar jab ham mile to vah doosara hi shakhs tha. tab mainne usase kaha,"jab ham pichhali bar mile the usake bad to tum amar logon kee katar men ja baithe ho." isake bad vah hansa aur apana mukhauta utar fenka aur kafi dostana vyavahar karane laga.

vailantino men udasi ka tatv tha. usane apani safalata ko garimapoorvak tarike se svikar kiya. lagata tha mano vah safalata ke bojh se dabata chala ja raha hai. vah samajhadar, shant aur bina kisi tim tam ke tha aur auraton ka bahut bada rasiya tha. lekin vahan usakee dal jyada nahin galati thi. aur jin auraton se usane shadi kee thi, ve usase kharab tarike se pesh aatin. usakee ek shadi ke turant bad hi usakee bivi ne usi kee devaleping lebaretari men kam karane vale aadamiyon men se ek ke sath ishk ladana shuroo kar diya. usake sath vah dark room men hi gayab ho jati. vailentino men auraton ke prati jitana aakarshan tha, kisi men bhi nahin raha hoga. aur koee doosara aadami bhi aisa nahin hoga jise auraton ne itana jyada dhokha diya ho.

ab mainne 670000 dolar ka karar poora karana shuroo karane kee taiyariyan shuroo kar din. mistar kolafild, jo myoochual film karporeshan ke pratinidhi the aur sare karobari intazam dekh rahe the, ne holivud ke bichon bich ek stoodiyo kiraye par liya. saksham sitaron kee koee kami nahin thi, unamen edana purviens, erik kaimpabel, henari bargamain, elbart aostin, loyad bekan, jon raind, fraink jo kolamain aur lio vhait, in sabake sath mujhe kam shuroo karane ka poora vishvas tha.

meri pahali film d flor vokar bahut adhik safal gayi. isaka set ek dipartament stor ka tha jisamen mainne chalati huee sidhiyon par pichha karane ka drishy dikhaya. jab senet ne is film ko dekha to bole,"he bhagavan, mujhe kabhi chalati huee sidhiyon ka khyal kyon nahin aaya."

jaldi hi main apani parakashtha par tha aur har mahine do ril kee ek film bana kar de raha tha. flor vokar ke bad, jo filmen aayin, ve thin, d fayaramain, d vaigaband, van e em, d kaunt, d ponashop, bihaind d s‍krin, d rink, eezi strit, d kyor, d imigraint, d edavancharar, in barah komedi filmon ko banane men kul solah mahine lage aur isamen vah samay bhi shamil tha jo thand ya mamooli badhaon kee vajah se gaya.

kaee bar koee kahani samasya khadi deti aur main usane sulajhane men mushkil pata. aise maukon par main kam band kar deta aur sochane kee koshish karata, is yatana men apane dresing room men chahal kadami karata ya set ke pichhavade ghanton tak baitha rahata, aur samasya se joojhata rahata. meri taraf dekh rahe mainejamaint ke ya staf ke kisi aadami ko dekhate hi meri deh sulag jati, khas taur par isalie bhi ki myuchooal nirman kee lagat ada kar rahi thi aur mistar kolafild vahan par yah dekhane ke lie maujood the ki sab kuchh thik thak chalata rahe.

door se hi main unhen dekh leta ki ve logon ke bich se ho kar aa rahe hain. main achchhi tarah se janata tha ki ve kya soch rahe honge, kuchh bhi nahin ho raha hai aur oopari kharche badhate ja rahe hain. aur main un par mithi chhuri se var kar deta ki jis vakt main soch raha hooon, us vakt kisi ka aas pas hona ya ye sochana ki ve chinta kar rahe hain, mujhe bilkul bhi achchha nahin lagata.

bekar ja chuka din ke khatm hone ke bad, jab main stoodiyo chhod kar ja raha hota, ve janaboojh kar achanak hi mujhase takara jate aur poochhate,"aur kaise chal raha hai, bat bani kuchh?"

"vahiyat, mera khyal hai, main chuk gaya hoon, main kuchh soch hi nahin pata."

aur ve khokhali aavaz nikalate jisaka matalab hansi hota,"chinta mat karo, sab thik ho jayega."

kaee bar aisa hota ki samasya ka hal sham ko us vakt soojhata jis vakt main hatasha ke aalam men hota aur sab kuchh par soch chuka hota aur darakinar kar chuka hota. aur tabhi hal achanak hi samane aa jata mano sangamaramar ke farsh par se dhool kee moti part hata di gayi ho aur samane chamachamata farsh nikal aaya ho jise main kab se talash raha tha. tanav gayab ho jata aur sare stoodiyo men chahal pahal mach jati. dekhane kee bat hoti ki mistar kolafild ke chehare par hansi kaise aati hai.

hamari kisi bhi pikchar men kabhi bhi koee kalakar jakhmi nahin huaa. hinsa kee bhi bakayada riharsal kee jati aur use koriyografi kee tarah mana jata.

chehare par thappad marane men bhi trik istemal kee jati. kitani bhi jhadap ho, har koee janata tha ki ant men kya hone vala hai. sab kuchh samay ke hisab se chalata. ghayal hone ke lie koee bahana nahin chalata kyonki film men sabhi ifekt hinsa, bhookanp, jahaj ka tootana, aur badi badi ghatanaen, sab ko jhooth mooth kiya ja sakata hai.

us poori siriz men matr ek hi durghatana huee.

ye bat eezi strit kee hai. jis vakt main strit laimp ko jalane ke lie use ek badi si ghirani par khinch raha tha to laimp ka oopari hissa gir gaya aur usaka ispat ka nukeela tukada meri nak ke sire par aa laga jisakee vajah se mujhe do tanke lagavane pade.

mera khyal hai ki myuchooal ke karar ko poora karana mere kairiyar ke sabase achchha arasa tha. main apane aap ko halaka aur bina kisi bojh ke mahasoos kar raha tha. main sirf sattais baras ka tha aur mere samane anant sambhavanaen thin, aur thi mere samane ek dostani duniya. thode se hi arase men main karodapati ho jaoonga. ye sari baten kuchh kuchh pagala dene vali thin. dhan meri tijoriyon men baras raha tha. har hafte mujhe do hazar dolar mil rahe the jo lakhon men badal rahe the. is samay meri haisiyat char lakh dolar kee thi aur ab panch lakh kee. main kabhi is sab kee kalpana bhi nahin kar sakata tha.

mujhe je pi morgan ke ek dost maiksin eeliyat kee yad hai. usane ek bar mujhase kaha tha, dhan tabhi tak achchha hai jab bhula diya jaye.

lekin ye kuchh aisi shai bhi hai jise yad rakha jaye.

is bat men koee shak nahin ki safal aadami alag alag duniya men rahate hain. jab main logon se milata hoon to unake chehare dilachaspi se dipadipane lagate hain. halanki main naya naya raees bana tha, meri ray ko gambhirata se liya jata tha. jo parichit the ve mujhase pragadh sanbandh banane ke lie lalayit rahate aur meri samasyaen sulajhane ke lie vaise hi aage aate mano mere natedar hon. ye sab bahut chatukarita lagati lekin meri prakriti is tarah kee aatmiyata ko ghas nahin dalati. main doston ko vaise hi pasand karata hoon jaise sangit ko pasand karata hoon. alabatta, is tarah kee aazadi kabhi kabhar ke akelepan kee keemat par hi hoti.

ek din, jab mera karar poora hone hi vala tha, mera bhaee ethaletik klab men mere bedaroom men aaya aur prasannata se bola,"suno bhaee charli, ab tum karodapatiyon kee jamat men aa gaye ho. mainne abhi abhi tumhare lie ek sauda tay kiya hai jisamen tum farst neshanal ke lie do do ril kee aath komedi filmen banaoge aur tumhen isake evaj men barah lakh dolar milenge.

mainne abhi abhi snan kiya tha aur apani kamar par tauliya lapete apane vayalin par d tel aof hofamain kee dhun baja raha tha. "ham . . ham. . mera kh‍yal hai, ye vakaee shanadar hai, nahin kya!!"

sidani achanak zor zor se hansane laga,"ye bat mere sansmaranon men jayegi. tum, charli, apani chootad par tauliya lapete, vayalin baja rahe ho, aur main tumhen jab batata hoon ki mainne tumhare lie sadhe barah lakh dolar ka karar kiya hai, tumhari ye pratikriya!!"

main svikar karata hoon ki isamen aadambar ka thoda sa tanj tha kyonki isamen ek kam bhi tha ki ye sara dhan kamaya jana tha.

sari baton ke bavajood, dhan sampada ke in sare vayadon ne meri jivan shaili par koee prabhav nahin dala. main dhan ke aage jhukata tha lekin isake istemal ke aage nahin. jo dhan main kamata tha vo kalpanik tha, dant katha kee tarah tha. ye sab aankadebaji thi kyonki daraasal ye dhan mainne sachamuch dekha bhi nahin tha. isalie mujhe kuchh aisa karana tha ki siddh ho sake ki mere pas ye dhan hai. isalie mainne ek sachiv rakha, ek khidamatagar aur ek shofar rakhe. ek kar li. ek din ek shoroom ke aage se guzarate hue mainne ek sat sitar yatree kar dekhi. un dinon amerika men ye sabase achchhi kar mani jati thi. vo itani shanadar aur bhavy lag rahi thi ki mujhe ye laga hi nahin ki ye bikri ke lie ho sakati hai. alabatta, main dukan men gaya aur poochha," kitane kee hai?"

"char hazar nau sau dolara"

"paik kar dijiye," mainne kaha.

vah aadami hairan pareshan, usane itani jaldi ho gayi bikri men kuchh rok lagane kee niyat se kahana chaha, "kya aap injin vagairah nahin dekhana chahenge?"

"isase koee fark nahin padega kyonki main unake bare men kuchh bhi to nahin janata." mainne javab diya. alabatta, mainne angoothe se ek tayar daba kar apani vyavasayik samajh dikha di.

lenaden bahut aasan tha. isaka matalab ek kagaj ke tukade par apana nam likhana tha aur kar meri ho gayi.

paise ka nivesh karana ek samasya thi aur main inake bare men kuchh bhi nahin janata tha. sidani alabatta, in sari chijon ke namon se vakif tha. vah buk vailyoo, poonjigat labh, variyata prapt aur doosare stok, e aur bi reting, karnvitabal stok aur band, audyaugik kampaniyon, aur seving bainkon kee kanooni pratibhootiyon ke bare men khoob janata tha. un dinon nivesh karane ke avasaron kee koee kami nahin thi. los enjels ke zamin jayadad ke ek ejent ne ek bar mujhase kaee bar kaha ki main usake sath bhagidari karake los enjels ghati men zamin ka ek tukada kharid loon aur donon pachchis pachchis hazar dolar ka nivesh karen. agar mainne us pariyojana men nivesh kar liya hota to mera hissa badh kar panch karaod dolar ka ho chuka hota kyonki vahan par tel nikal aaya tha aur vah kailiforniya ke sabase amir kshetron men se ek ho gaya tha.

-----

(kramashah agale ankon men)

----

tag : charlie chaplin, autobiography of charlie chaplin in Hindi, hindi translation of charlie chaplin’s autobiography, suraj prakash

No comments:

Post a Comment

Desitoonz