Monday, July 21, 2008

Posts of Blog rachanakar

Posts of Blog rachanakar

anuj khare ka vyangy : tekan lonan, ghritan pivet: ….

Posted: 21 Jul 2008 06:05 AM CDT

vyangya

take loan

tekan lonan, ghritan pivetah ....

-anuj khare

aadhunik yug men indiya ke aakash ke oopar se tivr gati se charvak rishi kee aatma gujar rahi hai. sath men kuchh halke manjhole shishy bhi is anant matr men un par bojh bane chimate hue hain. rishi bhautikavad ka aanand nahin le pa rahe hain. shishy siddhant samajhane ke nam par unhen khasotate se rahate hain. shishyon men ek paravartikal men unake siddhanton ke anusaran dvara 'moksha' ko prapt huaa kuchh jyada hi vachal prani hai. apani matribhasha aangl ka prachand premi bhi hai. atah rishi ko isase barabar 'dar' bana rahata hai. bakiyon ke samane aangl men na jane kya gitapit karata rahata hai. vo to unaka anubhav hai, jisase ve 'sichueshan haindil' kar lete hain, anyatha to bakee shishyon ke kisi aur gyani sanpraday kee or khisakane ka khatara bhi taiyar rahata hai. filahal ve munbaee ke 'skaee jon' men kuchh thithak gae hain, niche mayanagari asankhy laiton kee aagosh men bhautikavad-aishvary ke shirsh par damak rahi hai. shishyon kee or najar dalate hi samajh gae 'gyan' dene ka adbhut avasar. moodh shishyon ko gyan varsha se sarabor kar 'snatak' hi bana dena chahie.

- shishyon ! kuchh rishimay poj men unhonne samooh ko sanbodhit kiya.

-aagya, shishyavrind mimiyati si aavaj men bola.

-dekho, hamare siddhanton ka bhautik satyapan, is nagari kee or dekho, vilas men doobi nagari kee or chakshu le jao. bolane ko to unhonne bol diya. bhitar hi bhitar kanp gae. bhautik satyapan aisa jatil, shabd is aanglabhashi kapati shishy ke samane. abhi munh chauda karake 'transaleshan' kee mang n kar baithe.

- fir munivar ne shishyavrind ko ghanaghor nigahon se dekha-dekho to kaise dide fadakar dekh rahe hain. pakhandi kahin ke, jaise jivan men sukh bhoge hi n hon, fir guru ganbhir hue, bole- naina band kar lo shishyon, kahin netr kotar lolupata men jamin par hi n gir jaen. fir kaha- yahan rahate hain hamare sanpraday ke dhara par sarvashreshth nivasi, nam hi isaka mayanagari hai. sukh-bhogy hi inaka param dhyey hai shishyon.

-sookha-bhogaya, mins guruji aaee dont andarastaind, aanglabhashi kahin najaren gadae-gadae ekaek bola.

- ho gaya n bantadhar, ye fafoond bhi na jane kahan se paida ho gaee guruji man hi min khijhe. oopar aankhon men vidvat kee chamak bhari, lekin hraday ke jhanjhavaton ke daur men utani anukool chamak paida nahin ho paee, itane se hi kam chala lenge, unhonne socha. isaka kya karoon. sukh-bhogy yani mera vo prachin sarvakalik siddhantah yavajjivet sukhan jived rinnan kritva ghritan pivet.

bhasmibhootasy dehasy punaragamanan kutah .. ke anugami. sanskritamay hindi men unhonne kuchh diplometik rasta nikala.

no ! no ! guruji plij elobaret dis. shishy ne fir jigyasa prakat kee.

-- hay kaisi vipada aan padi, prabhu! yah aatma n hoti to ise kab ka sir ke bal samandar men faink deta. kuchh log marane ke bad bhi apani aasuri pravritti ke antargat doosaron ko kasht dena nahin chhodate. ve dhire se budabudae. fir sanyat hokar bole- sun, tekan lonan, parachej karan end go for lang draivah, foraget lonan. fir apani hi is medha par girate-girate bache. yoo no chamatkari taip ke to ve hain hi unhen yad aaya.

- bat guruji, dis haipand lang baik in maee kantri, bat no badi going too moksha. shishy jigyasu huaa-huaa ja raha tha.

- abe pagalet, ab guruji ka dhairy maryada kee simaon se bahar jane laga tha. jivan men sukh hi to sachcha moksh hai. dekh nahin raha kaise ham marane ke bad bhi yahan-vahan dol rahe hain.

-- bat guruji, aaee kant pe instalament, de send mi heyar onali.

-- hen, sanpraday men aise kachche khiladi ka pravesh. guruji chaunke, is fafoon d kee jaden kitani gahari hain. kisakee sifarish se sanpraday men pravesh pa gaya. kahin bakee shishyon ko bhi baragala n de. shishyon ko is dhoort ke changul se door rakhana hi bhala. anyatha to dusht dukan hi baitha dega.

-- oke, oke- vi vil diskasan it aoftar sam adar avasarah. guruvar ne usase pind chhudane ke lie apani bachi khuchi miks angreji us par de mari. jise unhonne is aadhunik kal kee yatra ke dauran jagah-jagah se batorakar apani smriti kosh men bhar liya tha.

-- fir tirachhi nigahon se shishyon kee or ghoora. sabhi kahin aur ghoorane men jute the. dekho to dushton ko palaken tak nahin jhapaka rahe. kaisi maya hai, kaisi lipsa hai, shishyon ka aisa nirlajj aacharan dekh ve lage hathon kisi darshanik sanpraday kee or mudane hi vale the ki ekaek sara rishitv, munitv, gurutv yad ho aaya.

-- shishyon unhonne fir pukara. ek do bar anasuni karake shishyon ne bhi javab diya,kaho guruji. halanki apane netr anveshan ke dauran aaee is karkash aavaj par unakee ichchha to kahane kee ho rahi thi bako garuji. khair guruji ne kaha- dekho siddhannton ko aage bhi jano yani rin lekar kiya kya jana hai.

-- rin lekar aur kya kiya kya jana hai, samavet svar men shishyon ne fir vilap kiya.

-- narak men hi sadenge sale. man hi man guruji ne socha, fir gurutar dayitvon ke antargat fir gyan dene ka upakram shuroo kar diya.

-- dekho shishyon, rin lo, tatkal hi use sukh-suvidhaon men laga do. makan lo,sukh-suvidhaen ka saman jutao,shadi karo fir sukh se jio. rin ko bhool jao.

-- aur guruji diskothek, nait klab, aauting- deting. inaka bare men kya? shishyavrind prativad par utar aaya.

-- bas utar aae n apani aukat par munivar ka hraday kanpa. jaroorat ke anuroop hi gyan dena hoga anyatha bidakane ka khatara. munivar ne man hi man ganit bithaya. fir ekaek chaunke, diskothe, nait klab, deting. ye kya bala hai. hamare jamane men to ye paya nahin jata tha. fir bole- priy shishyon, jin bhautik upadanon ka abhi tumane jikr kiya tha tanik vistar se unake bare men batalao.

-- guruji ye aadhunik yug ke nae aishvary- vilasita ke svarg hain. manushy yahan poonji udakar hamare sanpraday ke sarvashreshth karttavy nirvahan men juta hai. kaisino jaise dhoot grih men to tatkal rin kee suvidha tak upalabdh hai. shishyon ne lage hathon atirikt apadet janakariyan bhi guruvar ko saunpani shuroo kar din.

manushy ne bhautikavad ke itane aadhunik sidvant-sadhan gadh lie hain. itana aage ja chuka hai manav. guruvar ne socha . kaha- par inamen hamare sanpraday ke niyam padvatiyon ka bhi dhyan rakha jata hai ki nahin?

-- nahin guruvar aadhunik yug men sidvanton-niyamon -kayadon ko palane se pare manakar pustakon men hi rakhakar aadar diya ja raha hai.

-- ghor uchshrrinkhlata... lagamahin bhautikavad... bina pavan niyamon ke vilasita bhi kasht men badal jati hai. guruvar ne man hi man socha... hamare siddhanton ka itana avyavasthit vikas. aisi to unhonne kalpana tak nahin kee thi. ye manushy karttavy path se itana chyut, vilasita ka itana anugami... ghor kalayug hi hoga. unhonne trikal drishti kee mudra men jakar is babat failen tatolin.

-- khair, shishyon ko sanbhaloon... manushy kee vilasavriti ke aage purane yug ke ye bichare vilasi to nadan balak sadrishy dikh rahe hain. unhen shishyavrind par daya-neh ek sath aa gaya.

-- fir niche dekhakar ekaek bole- vo dekho, vo dekho, vo das gadiyon,15 manjila ghar, 25 chamachon se yukt kaun mahanubhav dikh rahe hain?

-- vo esaaarake hain guruvar, shishyon ne janakari uchhali.

-- kaun? esaaarake...

--guruvar aap shaharookh khan ko nahin janate ? shishyon men punah jenareshan gaip jaisi filing ubharane lagi. unhen apane aautadeted guruvar par kuchh khutaka sa hone laga.

-- ye kaun bala hai? guruvar ne chintan-manan kee aad men sochane ka upakram kiya , bole-- ye mahanubhav to aishvaryayukt dikhate hain? inhonne to hamare siddhanton ko kisi siddh kee bhanti apanaya huaa jan padata hai?

-- apanaya kya guruvar? inake pas to itana dhan hai ki ye usaka upabhog tak nahin kar pa rahe hain.

-- hen, dhan hai upabhog tak nahin kar pa rahe hain? siddhant ulata to nahin hi pad sakata hai. guruvar chintit hue. ye kaisi jamana hai jahan paisa pas men hai upabhog ke tarike nahin soojh rahe hain. hamar jamane men tatkal shadi-byah, madira-davaten,paryatan aadi men jhonka ja sakata tha aur ghee pina to saraplas tha hi.

-- guruji vo jamane gae. shishyon ne jaise unake man kee bat bhanp li ho kaha- ye to jis taraf dekhen noton ke dher lag jate hain. bas ye upabhog karane ke samay ka jugad nahin baitha pa rahe hain.

-- hay ram guruji nidhal se ho kar doosari or jhankane lage. ab ye doosare mahanubhav kaun hain jo aakash choomati attalika par khade hokar shayad kulla-manjan kar rahe hain. ye to bade tejomay dikhaee de rahe hain. itana bada ghar, asankhy gadiyon ka kafila. ye to nishchay hi hamare sanpraday ke gadipati sadrishy dikhaee de rahe hain. guruji kahate-kahate hanfane se lage.

-- nahin guruvar , ye anbani bradars men se bade bhrata hain. dhara par sabase amir aadami. inake to ek-ek sekand kee kamaee lakhon men hai.

-- vah, vah itana kuchh hai tab to nishchit hi vilas men samay dete honge. guruji ne fir bacha-khucha gyan bantana chaha.

-- nahin guruvar, ye to dinarat karobar badhane men nimagn rahate hain. inhen vilas ka samay hi kahan hai.

-- are jai kaun log hain? yahan kya kar rahe hain? ab guruji chaunkane ke sath-sath kuchh digabhramit se bhi dikhaee die. bhog ke aise sarvashreshth sarvakalik siddhant kya asamay hi kal kavalit ho jaenge. man hi man unhonne fir socha. o.. ho ... ho lagata hai ye sara aishvary agali pidhi ke lie sanjona chahate hain? jaise unhen farmoola hath laga. bole- siddhant ka itana vikas ho chuka hai shishyon kee vyakti agali pidhi tak ke lie ghee kee vyavastha bitha ke jana chahata hai. kaise suruchipoorn jamana hai. khushi se latapatate hue guruvar bole.

-- nahin guruvar shishyon ne fir prativad kiya. ye agali to kya sat pushton tak ka intajam kar chuke hain, fir bhi lage hain.

-- hen, guruvar ne aashchary se itana munh khola ki shishyon ko unhen unake pad ka smaran karana pada.

-- ab ye gol-gol si gumbad-numa kaun si imarat hai shishyon,manushy yahan pagalon kee bhanti chikh-chilla kyon raha hai?

-- ye sheyar market hai guruvar,shishyon ne dalal strit ka bhaugolik-aitihasik sandarbh batana shuroo kar diya. yahan manushy ek pal men itana prapt kar leta hai ki use rin jaisi tuchchh vastu kee aavashyakata hi nahin padati. lekin shishyon ko guruvar kahin ekatak drishti ghonpe hue mile. shishy kuchh kah pate isase poorv hi guruvar bole- vo drishy dekho-niche marin draiv ke pas vo lanbi si gadi men baitha manashy khidakee se sir nikale ek maile-kuchaile se vyakti se kya yachana si kar raha hai. kuchh vichitr sa pratit nahin ho raha hai shishyon?

-- nahin munivar, ye to rootin hai. vo gadi men baitha vyakti ek praivet baink ka ekjikyootiv hai. jo rin arthat lon dene ke lie bhikhari se vyakti ke aage gidagida raha hai. abhi to han karavane ke lie ye usake pichhe bhagega bhi. shishyon ne aadhunik yug kee aarthikee guruvar ko bayan kee .

-- kya? manivar moorchhit hote-hote bache. rin dene ke lie pichha kar raha hai. gidagida raha hai. idhar ham rin lo ghee pio jaisi masoom bat sadiyon se dohara rahe hain. guruvar kuchh lajjit si vani men bole. fir ekaek kaha--to fir ham yahan kya kar rahe hain shishyon, nikal lo yahan se kis jamane men apane siddhanton ka anveshan kar rahe hain. kisi aur pavan si sthali kee or gaman karate hain. fir dekha to shishy tas se mas hue bina ek bangale kee or jhankate se mile. guruvar ne bhi aankhon ka rasta falo karate hue nigahen daudaeen to us bangale men ek kamini- kaya aur asankhy logon kee bhid najar aaee . jo uchak-uchak kar use dekh rahi thi. bhrikutiyan oonchi karake shishyon par garamae- shishyon savadhan, marane ke bad bhi aisa ashobhaniy aacharan ek aatma ko shobha nahin deta. bhautikavad ka ghor upabhog karo parantu maya men aise akanth doobana, chhi.. chhi....

-- guruvar ye maya nahin mallika hain..... kahakar shishyon ne us kamini-maya kee or aankhon ke saitelait fir ghuma die.

-- he eeshvar, guruvar ne bhi aise bhautikavadi jamane se bachane ke lie apane donon hath aakash kee or utha die.

iti.

====

sanpark:

 

anuj khare

si - 175 modal tauna

jayapur

mo. 9829288739

----

(chitr ka kuchh hissa – sabhar aaeesiaaeesiaaee baink)

amar jyoti ‘nadim’ kee chand gazalen

Posted: 21 Jul 2008 03:20 AM CDT

sharad kale ki kavta 


gazalen


-amar jyoti 'nadim'


(1) door ka masala door ka masala gharon tak aa raha hai badh ka pani saron tak aa raha hai.  aag mana door hai, lekin dhuaan to, in suhane manzaron tak aa raha hai.  lad chuke din choodiyon ke,menhadiyon ke; favada komal karon tak aa raha hai.  mandiron se hat ke ab mudda bahas ka jivika ke avasaron tak aa raha hai.  isane kuchh itihas se sikha nahin hai; ek pyasa sagaron tak aa raha hai. 


(2) raja likha raja likh aur rani likh. fir se vahi kahani likha॥  baith kinanre laharen gin. dariya ko toofani likha॥  golibari men ras ghol. rimajhim barasa pani likha॥  ram-raj ke git suna. hitalar kee qurabani likha॥  raja ko nanga mat bol. paraja hi baurani likha॥  firadausi ke raste chal. mat kabir kee bani likha॥


(3) jism aur jana jism aur jan bik chuke honge. din o eeman bik chuke honge.  in dinon mandiyon men raunak hai; khet khalihan bik chuke honge.  mandiron masjidon ke saude men ram o rahaman bik chuke honge.  kans bekhaauf ghoomata hai ab , krashn bhagavan bik chuke honge.  tajiron ka nizam hai; isamen sare insan bik chuke honge. 


(4) door ka masala door ka masala gharon tak aa raha hai badh ka pani saron tak aa raha hai.  aag mana door hai, lekin dhuaan to, in suhane manzaron tak aa raha hai.  lad chuke din choodiyon ke,menhadiyon ke; favada komal karon tak aa raha hai.  mandiron se hat ke ab mudda bahas ka jivika ke avasaron tak aa raha hai.  isane kuchh itihas se sikha nahin hai; ek pyasa sagaron tak aa raha hai. 


(5) usane kabhi bhi usane kabhi bhi pir paraee suni nahin . kitana bhala kiya ki buraee suni nahin.  roti ke jama-kharch men hi umr kat gaee, hamane kabhi gazal ya rubaee suni nahin .  auron kee tarah tumane bhi ilazam hi diye; tumane bhi meri koee safaee suni nahin.  bachchon kee narsari ke khilaune to sun lie; dhabe men bartanon kee dhulaee suni nahin. 

mavas kee ghani rat ka har jhooth rat liya; sooraj kee tarah saf sachaee suni nahin.


(6) sharik tere sharik tere har ik gam har ik khushi men raha. main tujhase door magar teri zindagi men raha.  jo dard aankh se dhal kar ruka labon ke karib, tamam umr vo shamil meri hansi men raha.  samandaron men meri tashanagi ko kya milata? main abr ban ke palat aaya fir nadi men raha.  vo jinakee nazar-ai-inayat pe log nazan the, bahut sukoon mujhe unakee berukhi men raha.  vo mera saya andheron men gum huaa hai to ho; yahi bahut hai mere sath roshani men raha.  

(7) pyar ka vasta raha hoga.


pyar ka vasta raha hoga. koee ahad-ai-vafa raha hoga.  aabala jo pada tere dil para dosti ka sila raha hoga.  kisane raja ko kah diya nanga! kaun vo sarafira raha hoga!  vo thahake bahut lagata tha, dard dil men chhupa raha hoga.  ham kahan! aur unakee bajm kahan! vo koee doosara raha hoga.


(8) kuchh is ada se kuchh is ada se umr ka savan guzar gaya daladal bacha hai , badh ka pani utar gaya.  sadiyan ujadane men to do pal nahin lage; lamhe sanvarane men zamana guzar gaya.  bulabul to van ko chhod ke bagon men ja basi; ik jangali gulab tha , murajha ke jhar gaya.  kamare men aasaman ke tare sama gae ; achchha huaa ke toot ke shisha bikhar gaya.  ghar se subah to nikala tha apani talash men, lauta jo sham ko to bhala kisake ghar gaya?


(9) git kuchh ullas ke git kuchh ullas ke man bavara gata to hai ; par usi pal kanth bhi svayamev bhar aata to hai.  chhod kar jis vishv ko main bhag aaya hoon yahan aaj bhi us vishv se mera koee nata to hai .  ye ghutan, ye ulajhanen, ye vanchana, ye vedana; in sabhi ke bich man nirdosh ghabarata to hai .  kya n jane bhed hai jo pyas yah bujhati nahin; nity prati hi nir nayanon se baras jata to hai.  manata hoon ansh hoon main bhi vyavastha ka ; magara is vyavastha se hraday vidroh kar jata to hai.  shabd men anuvad meri bhavana ka ho, n ho; maun bhi mera hraday ke bhed kah jata to hai .  jis disha men lakshy ya gantavy kee sima nahin us disha kee aur yah unmad le jata to hai.  ulajhanon kee jhadiyan hain; mushkilon ke hain pahad, fir bhi inake bich se ek rasta jata to hai.  has men, parihas men, aanand men , ullas men, sammilit hoon, kintu fir bhi pran akulata to hai.


(10) jab se insana jab se insan ho gae yaro ham pareshan ho gae yaro.  bedi pavon kee,tauq gardan ka, din-o-eeman ho gae yaro.  kais kuchh kah utha to ahale khirad, kitane hairan ho gae yaro.  ab avadh men nahin koee shambook, sare kurban ho gae yaro.  koee sunata nahin kisi kee pukar, log bhagavan ho gae yaro.


(11)


kya baten karoon jab bhi chaha tumase thodi pyar kee baten karoon pas baithoon do ghadi,shrringar kee baten karoon.  vedana chirasangini hathapoorvak kahane lagi aansuon kee,aansuon kee dhar kee baten karoon.  dekhata hoon rukh zamane ka to ye kahata hai mana bhool kar aadarsh ko vyavahar kee baten karoon.  aap kahate hain pragati ke git gao gitakara; saty kahata hai dukhi sansar kee baten karoon.  chatukaron ke nagar men saty par pratibandh hai. kis lie abhivyakti ke adhikar kee baten karoon.  is kinare pyas hai; aur us kinare hai jalana kyon n fir toofan kee manjhadhar kee baten karoon. 


(12) kya safar tha! kya safar tha! rah-o-manjil ka nishan koee n tha kafila koee n tha; aur karavan koee n tha.  hamane hi apane tasavvur se tujhe ik shakl di. ham n the to too; tera nam-o-nishan koee n tha.  kaisa jangal tha jahan vanavas par bheje gae har taraf ashajar the, saya vahan koee n tha.  dil ke daravaze pe dastak baraha hoti rahi hamase milane ko magar aaya vahan koee n tha.  aaeenon ke shahar men har simt ham the;sirf ham. ham chale aae to ham jaisa vahan koee n tha. ++==++


sanpark:


 


amar jyoti`nadima`, 7-sarasvati vihar, ramaghat rod, aligadha 202001

No comments:

Post a Comment

Desitoonz